بملوحة سمارك حارن الحلوات
يسمونك ترف لو ترف تسمه..
اعله طولك كدرت صفناتي لومريت
يذب لونه الورد لو ردت تشتمه..
بسواد اعيونك امتيهلي جم موضوع
ردت بس السواد اوياك افتهمه ..
غرگان او تطلعه اعلى الجرف يرتاح
من اشفاك هيج اطلع الكلمة ..
اتحده الهوه المر رگبتك ميموت
الهوى اشما جان عالي بشمتك تعدمه…
صوتك جنه نسمه إتحنى بيها الناي
واذا تهمس تنام بسدك النجمه
انا مضيع حلم يم شامه جوه شفاك
وصعبه اعله العِشك لوماوصل حلمه..
عليك الرية شامر سهلة اهد حسرات ..
واغار من النفس جي لنك اتهمه ..
يالبارد طبع شمس الله بردت بيك
وعلى حرورة البيه الناس تتحمه…
ردت نار...العمر عودان مال بخور ..
شمل عمري اويا عمرك عالهوى اتلمه ..
:::::::::::::::::::::::::::::::::::::::::::
سمرهہ الفتلاوي
رد مع اقتباس
المشاركة الأصلية كتبت بواسطة *نجمه النجوم*
