هاي زينب
هاي زهرة فاطمه
هاي مولدها سعاده البلارض والبسمه
هاي تربات القياده
وعالصمود امعلمه
كربله التشهد عليها وكلها غيره وموزمه
ومثلت امها الزجيه
واخذت التخويل من حامي الحمه
،،،
هاي زينب هاي زينب
واشكثر شافت أذيه
ناطقه ابصوت الهواشم
هايه وحدها قضيه
صورت للناس صوره
ونسخه من الغاضريه
غيرة العباس بيها
وماخذه أطباع الزجيه
والصبر صبر ابو اليمه
وهزت اعروش ال اميه
ياهي التزاود عليها؟
وهيه بت حامي الحميه
وياهي تتحمل مصايب
والمصايب هيه هيه
هايه للغيره علامه
وللشرف هيه الهويه
هايه مولدها السلامه
هايه للزهره هديه
هاي فرحه وبالقيامه
اتفوز بيها الجعفريه
اتفوز بيها الجعفريه
جليل الغريب
رد مع اقتباس
المشاركة الأصلية كتبت بواسطة جليل الغريب
