هنا

[ȺӀì βąҍӀì]

طبعا وانا صغير بمرحلة الابتدائية كنت الوحيد
الي ما ينام الظهر وبعز حر تموز ، جنت احس بطاقة غريبة احتاج افرغها
لهيج لما ينامون اهلي الظهر اروح لجيراننا الي كدامنا واضرب ع جرس بيتهم
وافلت بالبيت واباوع من فتحة الباب جان يطلع اخوهم الكبير
يباوع يمنه يسره ما يشوف شيء ويرجع للبيت وارجع بعد نص ساعه وهم اضرب جرسهم
وافلت ويطلع خطيه يوكف واشوفه يدردم هههه
وضليت لمدة 3 ايام على هاي الشغلة ... الى ان سوا الي كمين ولكفوني
وما تحس الا والدنيا صارت حمره بعيوني كله صارت تضرب بيه
واخذوني لاهلي وجان يكولون لاهلي ادري ابنكم هذا ما ينام
واني اعيط من الضرب ،، المشكله هم اهلي استلموني ضرب
بحيث صار الضرب عليه عمل شعبي هههه
ومن يومها بطلت ازعج الجيران
،،
ولاحقا راح احجيلكم قصتي لما فجرت كهرباء بيتنا

[صلاة الحب]

ههههههههههه حلووو خوش ازعاج

[ȺӀì βąҍӀì]

ههههههههههه حلووو خوش ازعاج

صحيح هو خوش ازعاج
بس خوش وكتها اكلت كتل
اهلا بيك هنا

[الحنونة]

ههههه طلعت مشكلچي هاي بس لا تطلع انت اللي چان يدگ علينه الجرس و يفلت
بس إحنه ما لگفناه حرمات
شكرا اخي

[حور ☀️]

ههههه لك شلون لكفوك شو احنه ما نكدر

[ȺӀì βąҍӀì]

ههههه طلعت مشكلچي هاي بس لا تطلع انت اللي چان يدگ علينه الجرس و يفلت
بس إحنه ما لگفناه حرمات
شكرا اخي

مو الغش والاختفاء اتطور بهذا الزمن
اكثر من زمنا هههه

الشكر لمرورك خيتو كل التحية

[المحاميه شهد المعموري]

هههههههههه احلى ازعاج خيو
تموز بي الازعاجات والخباثه حلوه العام صارت ازمة غاز وناس شهرين ماكو غاز بتموز وساعة ب2وباجفجير ادك بالقناني الغالي وجوارين مله كعدت وطلعت دور وماكو

[ȺӀì βąҍӀì]

ههههه لك شلون لكفوك شو احنه ما نكدر

يمكن الي عندكم صايرين مثل كاسبر ما ينشافون

[ȺӀì βąҍӀì]

هههههههههه احلى ازعاج خيو
تموز بي الازعاجات والخباثه حلوه العام صارت ازمة غاز وناس شهرين ماكو غاز بتموز وساعة ب2وباجفجير ادك بالقناني الغالي وجوارين مله كعدت وطلعت دور وماكو

هاي شنو هسه لازم
يرفعوا عليك قضية محاولة ازعاج الشعب

[زهر الربى]

ههههههههههه يعني هذا الازعاج ميصير بس بتموز؟؟