أحبك من زغر ما عندي شك بيك
لان حبك يقين وولدته الفطــــــره
ومتولع عليك الگلب بيه نــــــــار
وخر جمرتك لا تنچوي الجـــمره
كل ليل بغيابك بالظلام يمـــــوت
وأول ما يشوفك ينولد فــــــــجره
وگلبي شگد صبر چي رادك تعود
ومن گد ما صبر من عنده مل صبره مرات الگمر يتشاقه ويه اللـــــيل
ويهد الليل حوته ويستر الـــــبدره
شعرك ليل عندي وگذلتك حــوت تنزل عالجبين وتخسف الـــگمره
وعيونك مصايب يعني ســودات
وعلى عيونك حبيبي تخبل الخزره
وعيب على الكحل يم جفنك ينـام
مو اسود كحلنه وعينك تشــــهره
ونظرتك خصصوهه تداوي اي داء
وانه المكسور گلبي تگدر تجبره
اكسر اي جزء من عندي ارتـــاح
بس الخاطر الحباك لتكـــــــسره
وخشمك سيف واكف يحرس الشفات
اليوصل للشفايف سيفك ايبتره
بشفافك خصال انفردن على الــغير
من لون العليهن سووا الــــحمره
ومغشوش العسل يحتاج تخـــمير
لذا من ماي شفتك ناخذ الخـــمره
ومو تفاحه خدك چن شجر تفـاح
عصى ادم الهه وما عصى الشجره
المدمن على الخمر ما يسكر بساع
وبعض مرات اصلا ما يســــكره
بس ثق من يشوفك ينثمل ويطيح
واذا ردينه عقله نرده بالخمره
ولبيتي اذا مريت مر بالـــــطيف
شوك البالحديقه ينگلب زهره
ومو انت التشم الورد حتى يطيب
الورد لمن يشمك ينعدل عطره
وايدك لو تمر يم خدي فد يــــوم
علتي البل صدر والخالقك تبره
وجدمك لو وصل يم عتبه الباب
تحج عنده العشاگه وتعتمر عمره
ومن جوه الوجه ما وصفك احتار
صار سنين دايخ بس على البره
رد مع اقتباس
المشاركة الأصلية كتبت بواسطة Echo
ولورا : ذات التاج وهي ترجمة لاتينية من لوريل