شسّوي لروحي
رادت دفو من عيونك!؟
أكرهك
بس أموت بخزّرة جفونك..
عفت ناس أعلى عيني
إطّش گحل ودموع
وأعشّگك لأن
ما فد مرة گتلي شبيك وشلونك!؟
اليصد عينك يربي
شكد عزيز يصير !؟
أعشگ كلمن
يطش روحي
طاسة ببير!
أَحب كلمن
يگّلي شبيك
من تموت
يعني شراح بية يصير!؟
أكرهه السهل واليشتاگّلي وية النوم
أحب واحد ينام وآني عيني أطّير..
شكد فاهي بنظرّتك بس أموتن بيك
أحب برودتّك يل تكّشخ بناعور..
هو أحنة الزلم ما نحب عطر الهيل
نريد وجوه يتعلّگ أعليها بخور..
يل الرايد تدفّيني بشتا العشّاگ
أنه عندي گلب يرتاح للتنور..
مثل الريح ما تعشگ جسم مفضوح
بس شلون تتّخبّل أعلى المستور!
صح هو المطر كلش حلو من يطيح
بس مرات أريد أطّيح فوگّي گبور!..
:::::::::::
ادهم عادل
رد مع اقتباس