هنا

[محـمـد الـركابـي]

ذليتك نعم كدام كل النـاس

طلع دمعك نطق بس ماطلع حسك



وصفتك غزال وشفتك انغريت

نسيت اني الأسد باي لحظه افترسك؟؟



خنت عشرة عمر شتريد اكولك روح؟؟؟؟؟

الله يسامحك فدوه اعتني بنفسـك.



ماعندي مشاعر ترحم الي يخون

واشوفك ليل مايرحم صبح شمسك.



جنت حارس محبتك وانت مني تبوك

اوووويلي شكد نذل من بكت الي يحرسك.



كلت عنك ورد واني اعترف غلطان

وانته جفوفك من تلمسك تنكسك



صرت افرح اشوفك ميت من الظيم

واعذبك واضحك ونضراتي الترفسك



نزلتك بدي الرجلي حته تبوس

وكصر ثوب الكرامه وبعد ميلبسك



ردت تحجي وبعد ماتطلع الكلمات

الكلمه استحت وافعالك تخرسك



الك مديت ايديه توكلك وتحميك

ردت اتعظهه لكن كسرت ضرسك



فاجأتك عبالك نايم وتعبان؟؟

واذوب بصوتك واتغزل بهمسك



فاجأتك عبالك ميت من الشوك؟؟

واحلم يمته هاي جفوفي تمسك.



فاجأتك عبالك بيك ما حسيت؟؟

تحفر من ورايه وحضني مونسك؟؟



اسرارك جبتهن والحقاره البيك

بيرك صار يمي وشفت شيترسك



عمت عينك نصحتك لا تغش وياي

وغشيت وهنتهه النفسك بنفسك


راقت لـي.

[ضياء الصافي]

عاشت الايادي
قلمك راقي........ بس كلمة راقت لي ماذا تعني اذا كانت القصيدة بقلمك؟

[حروف الموت!]

حلوووو كلمات راقيه