هنا

[دكتور جميل]

فد يوم طلعت من الصبح حتى اروح للكلية بابو غريب و جنت كلش متوتر لأن جان عندي امتحان بأول محاضرة وجنت أريد أوصل بالعجل حتى أسأل اصدقائي جم شغله ما جنت فاهمها كبل ما نطب نمتحن.
طلعت من بيتنا اللي جان قريب من باب الشرجي..شفت باص كوستر رايح لعلاوي الحله فركبت بيه و طلع بينه... وآني كل عقلي يم الامتحان. وصلت لعلاوي الحلة( المفروض اركب سيارة تروح لابو غريب)، بس شفت فد ازدحام فظيع و الناس تركض وره فد باص و يريدون يصعدون بيه، آني همينه ركضت وياهم، بس جنت كلش سريع ونشيط بحيث كدرت احصل مكان بالباص... كمت اتباهى بنفسي لأن حصلت مكان... مشه الباص وآني بعدني بأوج التفاخر والمدح بقابلياتي على التدافع ... ما أطولها عليكم... بعد شويه حسيت اكو شي مو طبيعي... آني وين جنت أريد أروح؟ وهذا الباص مو غريب عليه.. طلع هذا الباص هو نفس الباص اللي نزلت منه ... وديرجع مرة ثانية لباب الشرجي..

[الحنونة]

ههههه
ممممم بيهة صالح دوّخك الإمتحان و لا غير شي
موقف حلو أخي

[دكتور جميل]

شكراً.... بس رسبت بالامتحان... آخ لو الزمه لصالح...

[غَياهِب]

ههههههههه تكبر وتنسى

[خالدالسعد]

هههههههههه