اكبر غلطة
تبوح بحبك
للمايعرف ليش تبوح؟
وليش تغير طبع العندك
وبلغزك ذوبت العالم
محد كادر يعرف حلك
اكبر غلطة
اتحل بلغزك
اتبوح بكلشي وتعلن حبك
وللمايعرف قيمة شخصك
حتى يقدرك
اكبر غلطة
ومن تتنازل وتخضع للحب
وتتبع كلبك
وترد نادم لايابنادم
والندم شيكدر شيعوضك
اكبر غلطة
اكبر غلطة من تجاملهم
لن خايف خافن تجرحهم
وصاروا عثرة بجفة دربك
اكبر غلطة
اكبر غلطة تحس بغيرك
وماتلكة المرات يحسك
اكبرغلطة تلم الوادم
وبطيبك تربى وتتمسك
وتالي تباوع مامش احد
بس انت الوحدك وبنفسك
اكبر غلطة
ولاتتندم لان ماينفع
واحبس روحك وية جروحك
وخل جروحك هية تحبسك
لاياكلبي وماتسمعني
ياما شكتلك !!
ياما شكتلك
بيابستان وتشتل روحك
كلهه تهب تريد تقلعك
كتلك لاتامن لليكرب
وبالك حب لو مر يخدعك
وانت معاند ودوم معاند
مليت وماكادر ردعك
ياكلبي الماينفع نفسة
اشلون اتظن من عنده ينفعك
ياماكتلك وياما انصحتك
وكتلك من توكع شيطلعك
وكتلك ليغرك محبوبك
من كلك ثوبي انت وراهم
مافكرت بيوم ينزعك