هنا

[أنثى حائرة]

السلام عليكم ..
طبعا اني م خليت موضوعي بقسم الاسئله لانو هالقسم انسب اله >_< ،،
مشكلتي هي مرض ..

اني دا أعاني من مرض بالمعده يعني معدتي كولش توجعني ولحد يسألني شمدريني معدتي مو غير مكان لان اني افتهم ودراسه وراجعت طبيب ،،

اسولفلكم من الاول .. قبل سنه اكلت اكله ورآها رأسا تقيأت ومعدتي كلبت وأسبوع كامل اكل بس لبن ع كل الوجبات ورحنا للدكتور وكال التهاب بالمعده وانطاني علاج استفاديت منه وصرت زينه واكبر اكل براحتي بس ما اكدر اكل اللحوم اللي لحمها دسم مثل الكباب لان رأسا تموتني وجع ،،
قبل فتره كمت اي اكله أكلها توجعني حتلو م بيها دهن وهيج ورآها حتئ من م اكل شي توجعني

طبعا من رحت للطبيب كالي هذا التهاب بالأمعاء السوداء وكلي صحيح هذا النوع يوجع المعده وتصير عند الناس العصبيين >>> صحيح اني عصبيه ومن اتعصب او اضوج هم تكوم توجعني <<< .. انطاني علاج كال من يخلص اشتري غيره واستمر عليه لمده ثلاث أسابيع واذا ما فاد راح يحولني ع المستشفى اسوي سونار وناظور
السونار سهل بس ناظور مستحيل اكدر ،، هو كال لي الاسبوع الاول امتنع عن الدهون واللحوم نهائيا بس ورآها اكدر أكلهم بس مو هواي ،، واني اليوم ح اخلص الاسبوع الثاني وما اكل بس اشياء خفيفه ودهنها قليل والأسبوع الاول م اكلت شي ممنوعه منه أبدا
واللحوم بس مره اكلت قبل يومين ومعدتي هم وجعتني كولش يعني نفس قبل ماكو فايده
ورجعت اشتكي لامي ،،
امي كالت اذا بقيت هيج راح تأخذني تسويلي ناظور

هسه تمولون هاي هيج ميته ع اللحم والاكل ،، لا والله اصلا ما احب اللحم كلش وحتى كمت اكره كل الاكل :( حشى النعمه
وكمت ما اشكي لامي حتئ م نرجع للدكتور اخاف يسويلي تحويل
ومرات ما اكل لان نفسي كامت تنسد من اسمع بالأكل


م ادري راح يطلع اسمي بالموضوع لو يطلع اسم أنثى حائره
عادي اصلا يطلع م اهتم بس اتمنى تساعدوني

اللي مار بحالتي ويعرف علاج يكولي ،، او علاج طبيعي او أعشاب بس كون مجربات يعني مجربيهم مو تنبأ شخصي لانو سامعين بيه رجاءاً يعني لان مابيه أخربها اكثر وهي خربانه >.< يعني المهم شي مجرب وما احتاج اروح من جديد لدكتور


وشكر لكل من سيمر هنا

[ضياء الصافي]

اولاً شكد عمرچ...
والناضور بسيط كلش...
وانا عندي نفس الشي.. بس گليلي العمر شگد..وان شاء الله بسيطة

[...Hawraa]

نفس مشكلتي بالضبط ورحت للدكتور طلع عندي نسبه قليله من التهاب الكبد الفايروسي يعني أبو صفار والضغط مرتفع وهم كال من العصبيه وكال أسبوع وترجعين
وكال لازم حميه وبعده ما مخلص الاسبوع
الله يشافيج اختي

[سعد العراقي راقي*]

اذا كانت المشكله هي خوفك من الناظور فهذا بسيط جدا
لانك وحسب مافهمت تخافين من الناظور (الانبوبي)لانه يسبب جروح بعد الفحص في المسالك الهضميه
لكن انا ادلك على شي حديث ومتطور اكثر
هناك ناظور على شكل(كبسوله مجهزه بكامره ترسل واي فاي)لمدة 15 دقيقه
انا في الحقيقه رايتها في ايران في احدى المجمعات الطبيه هناك
لكن وحسب ماعرفت لاحقا انها موجوده في البصره عند بعض الاطباء واعتقد ان سعرها (150)دولار
هذه الكبسوله تؤخذ كما يؤخذ (كبسولة الامبسلين) وتبقين جالسه قريبه عن شاشة الفحص لفتره يقدرها الطبيب المختص لاتتعدى ال 15 دقيقه
وتتلف بعدها هذه الكامره ذاتيا
وانتهت المشكله

[علي الاسدي**]

السلام عليكم
يُسْقَوْنَ فِيهَا كَأْسًا كَانَ مِزَاجُهَا زَنجَبِيلًا ”
اختي الغاليه كتجربه لعلاج وتخفيف الام المعده استخدمي الزنجبيل
مفيد جدا ومافي اضرار على الجسم والزنجبيل الطري يعني مو اليابس
واعتقد موجود في كل بيت نادر ما بيت مايستخدم الزنجبيل لفوائده للجسم
والقلب والقالون والمعده وغيرها ها وقبل لا انسه لا تشربيه على الريق لازم بعد
ماتاكلي الوجبه

[رياحين الجنة]

وعليكم السلام
هل شي صار بي من قبل وهم رحت للطبيب وقال التهاب معدة
اهم شي ما تاكلين شي حامض لاليمون ولا طرشي ولا دهون وداومي ع اكل النعناع صحيح ما راح تحبي بالبداية بس بعدين تتعودين علية وان شاء تتحسن حالتج وما تحتاجين الناظور الله يشافيج

[^-^بطيخة^-^]

اولاً شكد عمرچ...
والناضور بسيط كلش...
وانا عندي نفس الشي.. بس گليلي العمر شگد..وان شاء الله بسيطة

اهلا عمو ..
عمري 16-17 سنه

[^-^بطيخة^-^]

نفس مشكلتي بالضبط ورحت للدكتور طلع عندي نسبه قليله من التهاب الكبد الفايروسي يعني أبو صفار والضغط مرتفع وهم كال من العصبيه وكال أسبوع وترجعين
وكال لازم حميه وبعده ما مخلص الاسبوع
الله يشافيج اختي

يعني احتمال يكون التهاب كبد اسم الله؟؟
شنو حميتك نفس اللي كلتها لو تختلف؟؟

اذا كانت المشكله هي خوفك من الناظور فهذا بسيط جدا
لانك وحسب مافهمت تخافين من الناظور (الانبوبي)لانه يسبب جروح بعد الفحص في المسالك الهضميه
لكن انا ادلك على شي حديث ومتطور اكثر
هناك ناظور على شكل(كبسوله مجهزه بكامره ترسل واي فاي)لمدة 15 دقيقه
انا في الحقيقه رايتها في ايران في احدى المجمعات الطبيه هناك
لكن وحسب ماعرفت لاحقا انها موجوده في البصره عند بعض الاطباء واعتقد ان سعرها (150)دولار
هذه الكبسوله تؤخذ كما يؤخذ (كبسولة الامبسلين) وتبقين جالسه قريبه عن شاشة الفحص لفتره يقدرها الطبيب المختص لاتتعدى ال 15 دقيقه
وتتلف بعدها هذه الكامره ذاتيا
وانتهت المشكله

انا اصلا ما اعرفه بس سمعت انو أنبوب ينبلع بيه كاميرا ويطلعوا بعدين ،،
اممم ما أتوقع متوفرة بكل مكان بالعراق هالكبسوله والبصره بعيده منا ،،
شكرا لك

السلام عليكم
يُسْقَوْنَ فِيهَا كَأْسًا كَانَ مِزَاجُهَا زَنجَبِيلًا ”
اختي الغاليه كتجربه لعلاج وتخفيف الام المعده استخدمي الزنجبيل
مفيد جدا ومافي اضرار على الجسم والزنجبيل الطري يعني مو اليابس
واعتقد موجود في كل بيت نادر ما بيت مايستخدم الزنجبيل لفوائده للجسم
والقلب والقالون والمعده وغيرها ها وقبل لا انسه لا تشربيه على الريق لازم بعد
ماتاكلي الوجبه

يعني اكيد الزنجبيل زين يعني مجرب ؟

وعليكم السلام
هل شي صار بي من قبل وهم رحت للطبيب وقال التهاب معدة
اهم شي ما تاكلين شي حامض لاليمون ولا طرشي ولا دهون وداومي ع اكل النعناع صحيح ما راح تحبي بالبداية بس بعدين تتعودين علية وان شاء تتحسن حالتج وما تحتاجين الناظور الله يشافيج

النعناع ما اكدر اكله حاولت عده مرات بس ما كدرت ،،
اممم ان شااء الله وَلَكِ المثل ،، شكرا عزيزتي

[ضياء الصافي]

عمو من الاعراض الذي ذكرتيها.. من الاحتمال ان يكون تهيج بالقولون ويسمى التهيج العصبي.
وعندج بداية قرحة معدة وهاي بسيطة جداً لان انا رحت لا كثر من دكتور وبعدين سويت حمية والان الحمد لله حتى علاج ما كو
الحمية.. اولاً لحم القر نهائياً لاتاكلينه..لابأس بقطعة مشويه
المقليات مؤثرة جداً.. الطرشي والفلفل الحار ..
الاعتماد على العصير الطبيعي ولابأس بالزبيب لانه علاج اساسي
الاستمرار على اكل الخبز والروبة في الساعة العاشرة ليلاً ومن الافضل ان تكون طبيعية قدر الامكان.
هذا الغذاء استخدمته لمدة سنة كاملة والان الحمد الله استقرت معدتي
بس تعودت على الروبة والخبز... بس انا اكلها طبيعية من البقرة..ههههههههه
الله يشافيج عمو

[^-^بطيخة^-^]

عمو من الاعراض الذي ذكرتيها.. من الاحتمال ان يكون تهيج بالقولون ويسمى التهيج العصبي.
وعندج بداية قرحة معدة وهاي بسيطة جداً لان انا رحت لا كثر من دكتور وبعدين سويت حمية والان الحمد لله حتى علاج ما كو
الحمية.. اولاً لحم القر نهائياً لاتاكلينه..لابأس بقطعة مشويه
المقليات مؤثرة جداً.. الطرشي والفلفل الحار ..
الاعتماد على العصير الطبيعي ولابأس بالزبيب لانه علاج اساسي
الاستمرار على اكل الخبز والروبة في الساعة العاشرة ليلاً ومن الافضل ان تكون طبيعية قدر الامكان.
هذا الغذاء استخدمته لمدة سنة كاملة والان الحمد الله استقرت معدتي
بس تعودت على الروبة والخبز... بس انا اكلها طبيعية من البقرة..ههههههههه
الله يشافيج عمو

لالا مو قرحه ولا قالون هذن اعرف شلون اعراضهم لان كانوا بأبويه بس اني تختلف :/

هو اني ممتنعه عن اللحوم كلها حاليا والمقليات قليل وطرشي وهالشغلات مدّا اكل

الروبه جنها سالفتها سالفه ما يمنا وربه بقر ميبيعون عادي من هذا اللبن المعلب هههه ؟؟
ولا يمنا بقره يجيبلي منها وربه هههه
شكرا عمو ان شاء الله استفاد