هنا

[الشاعر مجتبى الاسدي]

هل مصيبه امصاب الزجيه ****هل مصيبه اعظم رزيه
حمرت العين***أم لحسين
اعظم رزيه
+++++++++++++++++++++++++++
اليوم راحت فاطمة تشكي لبوهة &&& راحت اتشّوفة الظلوع الكّسروهة
اتخبرة عن الباب بيه الي اعصروهة &&&& راحت اتراوي العين الي اصطروهة
تخبرة راحت يشاهد وضعهة**** تخبرة راحت يعاين ضلعهة
وعن الجنين*** ام الحسين
اعظم رزيه
+++++++++++++++++++++++++++++
كوم ودع ياعلي فاطمة الزهرة &&& كوم دمع العين عل جثمان نثرة
ايعينك الله ياعلي وكلبك شصبرة &&& لو شفت بل مغتسل العين حمرة
لوشفتهة كلبك تكسرة*** لوشفتهة اتضل تجري عبرة
تبجي بونين *** ام لحسين
اعظم رزية
+++++++++++++++++++++++++++++++++++
اليوم زينب تنحب وتبجي وية الحسين &&& تبجي وتكَلة يخوية امنة جا وين
ولحسن كَلبة تفطرمن الونين &&& ونه تتبع ونه ودمعات بلعين
يصيح خوية زيتي همي***يصيح خوية ماترجع امي
ترجع امنين***ام لحسين
اعظم رزية
++++++++++++++++++++++++++++++++++++++++
عظم الله اجرك علي ابهاي الرزية &&& اشلون بيدك تكَدراتغسل الزجية
وايدك اتمر عالضلوع الفاطمية &&& وتالي تدفنها علي بهاي المسية
شلون كَلبك ماطك يحيدر *** شلون كَلبك يدفنها يكَدر
عشرت اسنين *** ام الحسين
أعظم رزية
++++++++++++++++++++++++++++++++++++++++++
هاي نكبة ياعلي واول ضلامة &&& صارت ابيت الرسالة والامامة
اعلة بيتك خيّم الحزن ابضلامة &&& للنوايب هاي الك اول علامة
حاد ثتهة ابشع جريمة ***حاد ثتهة اول ضليمة
نكبة للدين ***ام الحسين
اعظم رزيه
****************************

(( الشاعر لحسيني مجتبى الاسدي))

[ايوووته@]

الله الله عاشت الايادي كلمات ولا اروع بارك الله فيك نترقب المزيد منك احسنت

[❥ اوليڤَيــــــا✿┊❥]

روحي لها الفدا ...
بوركتم