منك كفو ونعمين يالكافل اختك
شلت النهر والجيش كله ابجربتك
شلت جيش ابجربتك ما شلت ماي
وتبدو همه مو مايك تبدى
العلى اعيونك بعيد اتشوفه باالسيف
التصدى اعيونك اجفوفك تصدى
سيفك شي بعيد امنيله احدود
بس الكابلاك ايشوف حدى
عطش بوجوهم وبضهرك الماي
جزر صارو وسيفك كله مدى
اذا اشتدت رحاها وصهلت الخيل
ينقصون وعكسهم زدت شدى
تاهو بيك ليل وهمه عميان
ونسو جان اليدلي اعيونه رمدى
نقطة وصل بين الخيم والماي
جاري الجيش جايك وانته سدى
ماكدرو عليك وما تعدوك
الهوى ابساعتهه منك ماتعدى
نور الشمس وصل يمك ومات
وصارت ضهر جيتك ضلمه الخيام
ردت بيدك تردهه الشمس مولاي
لحد صفين ردت اتعيد الايام
لو كطرة ندى طاحت على اشفاك
لاصارت سبايا ولااكو ايتام
جاكربلا ابجفك كلهه تنشال
ابرملهه ابناسهه اتوديهه لشام
ولا بخيام زينب تشتعل نار
ولا صوت استغاثه وتسمع اصياح
وتردله الروح كلمن راح وياك
وترجع روح حتى البعده ماراح
جا زينب فقار اتصير وياك
وحقك جا خذتهم فوك الارماح
تعرفك غير اخوهه ابساعة الغيض
من تطبر الهامه اتثلم السيف
لوتدري ابسبيهه ودمع العيال
ترد اردود بيهم تاخذ الحيف
اجو خطار سيفك كلهم اركاب
وتعرفك يابو فاضل ماتردضيف
على وجوه السرايا امبين الخوف
ابسواد اعيونهم جفك يمر طيف
زرعت الخوف بيهم خضرو موت
ولا طول شتالك خضر ابساع
سفينة نوح انته وهمه طوفان
تشك الجيش بيهه وزينب اشراع
ماذلت وحقك جنهه عباس
صالت بيهم اختك صولت اسباع
انته وغيرتك هديت عاالجيش
وجفوفك وسيفك خط الوداع
وجفك من وكع عاالكاع عباس
كل قصدك تشيل ابجفك الكاع
رد مع اقتباس
