عراقي وداعتك ميهمني اليكول

وانة المشهود لية اربات الحروب

انة الكظيت عمري وساند الطول

وانة بكلبي جرح واجتافي مصيوب

علمتنة الحياة اشكال والوان

وشفنة اخوان من اخوان بالشدة يتبرون

زمن والله عجيب بين الازمان

اذا الخوان خوانك يبيعون

اذا رافضني انته ومالي مكان

ولايوم الطحت كلت آنة الك عون

تذكر بالحصار شبية سويت

وكبل لتقرر امريكا يفرعون

طبكت بيبانك بوجهي ينسناس

وعفت رضعان خوانك يجوعون

وانة ابن الخير تدري وكاعي ذهبات

ولجل نفطي اجو كلهم يركظون

عشر سنين ياكلني الحصار وآكل الروح

وانتة وية العدى مناع ماعون

لاتعتب علي لو صاحبت زيد

بسبب طعنات غدراتك يملعون