عزيزتي اية ، انتي تناسيت انه اني ذكرت انه هذا " عذر اقبح من ذنب " مجرد اصطلاح للتعبير بشكل رمزي عن حالة و اعتذرت لاستخدامه و لانه ما خطرلي غيره ليصف جزء من كلامك فاضطريت استخدمه اسفة وهو يعني لمن الانسان يبرر الخطا بعذر اشد قبحا من خطائه نفسه فهذا نكول عنه عذر اقبح من ذنب
و على اي قاعدة في الاسلام لو سمحتي مشكورة استخرجتيلنا هالمبدا مال
" مو ذنب اذا ما نكول عليه ذنب اوك " ؟
انت قاريه هي و انت شكاتبين ؟
لو اعيد السكرين شوت لو اجيبليج غيرها افضل ؟ علمود اتكولين عنه كلام عادي
و ليش ؟ ليش تسألين و تعلقين عن الله و الاسلام بهاي الطريقة حتى تشوفين ردة فعل الغير و شلون يفكرون و تخليهم اذا ما فكروا يفكرون ، ما هي الغاية هنا ؟ و الفائدة لو سمحتي ؟ اعمال العقل ام التشكيك في الله ؟ هسه تكولين لا ، اعمال العقل ، اسالج كانسانة ذات ضمير حي اللي يعمل عقله و يتفكر في الله تعالى يضرب مثال توضيحي مثل هذا ؟! انت مدركة للي كاتبيه شنو معناه يا عزيزتي ؟ و اذا كانت غايتك تشوفين ردة فعل الغير و تخليهم يفكرون فتاكدي اذا راود اي واحد منهم شك في الله و الاسلام بسبب كلامج فعليج وزره انت و هي و لا تكولين مو ذنب لانه يا ايوته انت مو بكيفيج تشرعين قوانين للحلال و الحرام و الذنب و المو ذنب ، الخطا و الباطل واضح و الصح و الحق واضح ايضا و اللي سويته انت و هي خطا و مبرراته اتعس منه لانه اني كان كل ظني تسالون دون معرفة و ببراءة محضة للحصول على جواب لذلك حاولت اجاوب و دورت و قرات ليتضح انه نيتكم غير تماما و غير مبررة و بعيدة كل البعد عن البحث عن الحقيقة و الاقتراب اكثر من معرفة الله جل و علا و اذا كانت تعليقاكم بالنسبة الكم عادية و مبررة فاسمحيلي مشكورة انه اخبرج انه انت مغيبة و فعلا بعيدة عن الواقع تماما فهي لغيرج غير عادية ابدااااااا و لا منطقية السببية بالمرة و مو سهلة اطلاقااااا و ان غاب رد فعلهم عليها و يمكن شفتيها عادية لانه ما لكيتي اللي يوضحلج بشكل دوري انه هذا النوع من الكلام خطا و ميصير لذلك تعودتي و بداتي تشوفينه عادي جدا و طبيعي مع الاسف لكن تاكدي يا عزيزتي انه الله سبحانه و تعالى ما يسكت الى الابد فهو سخر الاخ سام يجاوب ثم سخرني حاليا ثم يمكن راح يسخر وياية و اذا بعد هذا كله ما اقتنعت و غيرت طريقتج هذه انت و هي فكل اللي اكوله الج كوني مستعدة لرد مباشر من الله تعالى و رده راح يكون لمصلحتج و صلاحج و قد يكون قاسي جدا فالله حليم جدا و صبره طويل جدا ايضا لكن ليس الى الابد و غضبته لا تكون لنفسه و انما لمصلحتك انت و درء للاذى عن غيرك و هذا جزء من جواب سؤالكم عن لما خلق الله الشر و اني نصحتج حاليا فاخليت مسؤوليتي
و بعدين هو منو ناقش او جاب طاري اعجاب الناس و رضا الناس يا عزيزتي ؟!
من كان على الحق لا يخاف في الله لومة لائم ، تعرفين معنى هذا القول اكيد ، ليش ما يخاف ، لانه الله بذاته معاه فساعتها ما يهمه اعجاب ناس او فئة معينة و لكن اللي على باطل فالله يعينه و يهديه هذا هنا ممكن غايته الاساسية تكون حصد الاعجاب
المفروض نيتج لطرح هكذا اسئلة فهم اعمق لحكمة الله تبارك و تعالى و له هو من اجل تعرفيه حق المعرفة و بعيدا عن تصورات سين و صاد من الناس عنه و ما اتصور ابدا اللي نيته هيج راح يعلق مثلكم و لا راح يضرب مثال تقريبي او توضيحي مشحون مسبقا بالنتيجة مثل مثال الاخت العزيزة كات، يعني انتوا تسالون و تجابون نفسكم بنفسكم و اللي يجاوبكم بشكل منطقي و عقلي ياما تهملون اجابته ياما الرد انه " ما نريدها من مصدر روحاني و نريد دليل ملموس " ! و كانه القران الكربم اللي هو كلام الله جل و علا بنفسه مو دليل ملموس !!! شلون مسلمين انتوا لعد اذا القران الكريم بالنسبة الكم ليس بدليل ملموس و علمي
يعني اللي يؤمن بالله يؤمن بكلامه و اللي يؤمن بكلامه ياخذ بيه دون نقاش هذا معنى الاسلام هو انه ايمان مطلق بالله و مليء بالثقة المطلقة بيه ايضا تبقى مسالة انه عندكم اسئلة فالكل عدها اسئلة فابحثوا عن اجوبتها عند الله ايضا مو تبحثون عن الاجوبة من مصادر بعيدة كل البعد الله و كانه صار الناس عدكم اكثر مصداقية منه و العياذ بالله و استغفره و اتوب اليه هنا حتى تؤمنون انه اللي د يكوله الله صح ! برايك هذا منطقي ؟! اكو اسئلة بس الله يعرف جوابها فساعتها شراح تسوون اذا منطقكم في الحصول على الاجوبة و الايمان بهكذا شكل ؟ و هو خاطئ طبعا و شفت جواب منطقي مرتين منج فقط ضمن الحوار كله اللي دار بينكم هنا
كلامي كان عن انه غايتك اللي خليتها كمبرر لتعليقاتكم هي غير مسوغة بالمرة لانه لو ما تعرفين و د تبحثين عن معرقة حقة انكول ميخالف اما تروحين الى حد بعيد جدا في التجني على الله و عدله لمجرد فضول عندك و حب استطلاع انساني مع معرفتك السابقة انه محد راح يجاوب فهذا اذا مو خطا و ذنب فما اعرف شيسموه و تاكدي راح اسال علماء دين عن هذه الحالة و انزل الرد هنا و لو رايهم واضح جدا لكن حتى ما تبقالج اي حجة ابداااااااا لا انتي و لا هي و لا اي واحد يفكر انه يتكلم بهذه الطريقة بحجة غير منطقية و لا مقنعة بالمرة وهي انه اني د اتفكر ! يا عزيزتي تتفكرين بهاي الطريقة اذن احتفظي بتفكرج بينج و ببن نفسج و لا تاذين غيرج سواء اللي ايمانه و الحمد لله قوي و حس باهانة لذات الله او ايمانه الله اعلم بيه و يجوز جيتي انت زعزعتي و تركتيه و رحتي و قد يتاخر رد العلماء لانه الله يساعدهم رسائل هواية بس دائما يوصل و سواء اقتنعت انت بيه ام لا هو فقط لاسقاط الحجة عنك اكثر و اكثر لا غير
و يا عزيزتي مو كل من نصحج او وضحلج خطاج سميته متطرف و متعصب و قتل عبر النت و الخ ! لو عصبي ! وين عصبيتي بالموضوع و انا هادئة جدا و لكن انتي و هي تحبون تحورون الكلام ما اعرف ليش بصراحة !
انت مشكلتج انه مستسهلة الموضوع جدا و كتلج و كانه د تناقشين موضوع عادي عن شخص عادي و لا كانه د تحجين عن رب العالمين و في بعض التعليقات حتى النبي محمد صلوات الله عليه و على اله و صحبه اجمعين وسلامه ذاكرته كات دون الصلاة والتسليم عليه و دون حتى كلمة النبي ! و كانه رجل عادي و مو رسول الله ! متعودين على الكلام يمكن بهاي الطريقة و محد حسسكم انه هي خطا جسيم في حق انفسكم و ظلم لذواتكم و اقبل اي احد اخر فلغياب الموجه و الناصح تعودتوا لدرجة انه عادية جدا و لا حتى تستلزم انه تردعون انفسكم عنها و غيركم يعني حتى ما ساويتوها مع الاخطاء العادية و شايفيها من المسلمات !!! و شكرا جزيلا لاعترافك انه بعضها استفزازية و جدا و بصراحة ما اعرف اذا كان كلامكم يعتبر حرب على الاسلام ام لا لكن اللي اعرفه انه واضح جدا انه هو خطا و محرم ايضا و مو من التفكر و لا اله اي علاقة بيه لا من قريب و لا بعيد و اقري عن التفكر قبل ما تطرحيه كحجة خصوصا انه المبرر اللي كلتيه اتعس من الكلام نفسه لانه مو مقنع اطلاقا لا منطقيا و لا عقليا كمبرر لهكذا كلام و لا تتصورين اني فقط د اتكلم عن المثال مال السجود و المدرس لانه ما احب انزل بقية تعليقاتكم و للمرة الثانية مو بس اني اللي متحسسة ، و لو هاي الكلمة خطأ لوصف الحالة لانه اللي عدنا هنا مو موقف اجتماعي عادي علمود متحسسة و مو متحسسة ،اللي عدنا هنا كلام فيه تجني على الله و تجروء و اكررلج مو بس اني فسام اجه و رد اني اجيت و رديت و اكو جماعة هم ما عاجبهم بس الله اعلم باسبابهم و ليش ساكتين و من تكلمت عن صمتهم كان قصدي انه يجاوبون اسئلة حضراتكم الرائعة بموضوعية و عقلانية و منطق لانه مو قليل عدد المثقفين هنا و لا يصعب عليهم ان يردون على اسئلتج انتي او كات او ما شابهها لانه بيهم اللي قاري كتب بالمجلدات فسهولة الرد و التوضيح الكم حاضرة عدهم و هذا كان قصدي و مو قصدي التهجم عليكم و قتل عبر النت و الخ من استحضارتج الصادمة جدا
انتي و العزيزة كات اغلب الاحيان و مباشرة تستحضرون التطرف و التعصب المذهبي لدى المحاور المعارض لارائكم و الا ما كان ذكرت قص الاصابع و الخ من استحضاراتح الفذة جدا ايوته
و فعلا هي مو مشكتلج ايماني او ايماني غيري ، مشكتلج ايمانج انتي و هي فحاولوا تصححوا رجاءا و خليني اسالج هنا سؤال
منو علم الانسان ما لم يعلم ؟
جوابج الله تبارك و تعالى طبعا
طيب لمن انت تبحثين عن اجابات لاسئلة عندك ، منطقيا و عقليا تروحين لمصدر العلم و هو الله سبحانه و تعالى و قرانه و سنة رسوله و علوم ال بيت رسوله لانه هو من علم الانسان ما لم يعلم بالاضافة الى سرب ضخم لا حصر له من المفكرين في الاسلام و منطقه و فلسفة الخلق و اعجاز القران ووووو اطنان من الفكر الانساني الاسلامي اللي ما مخليه شي ما مجاوب عليه تقريبا لو تروحين لمتلقي عادي لبعض من العلم حاله حالج بل يمكن هو اسوء منج لانه ما يعرف الله مثل دارون و اينشتاين و هوكنز و الخ
تطلببن منهم الحقائق ؟
و كلهم باحثين يضعون نظريات فقط تعرفين تعريف كلمة نظرية اكيد فهي و نتائج بحوثهم لا تلبث ان تتغير مع الزمن و ما اريد اضرب امثلة عن كومة النظريات اللي انتفت و اجت غيرها و اذا صحت الهم نظرية فالقران الكريم ذاكرها قبلهم بمئات السنين
وضحلي رجاءا اذا سمحتي مشكورة جواب هذا السؤال اعلاه بشفافية و صراحة
و على فكرة السؤال يسمى سؤال عندما يطرح بنية ايجاد جواب مو بنية ترقب ردات فعل القراء و شلون يفكرون او لتحريك عقولهم باتجاه معين بطريقة معينة هاي تعرفين شيسموها ...بروبكاندا عزيزتي لذلك و بناءا على ذلك كل اللي سميته اسئلة هو ليس باسئلة ابدا لانها ليست بنية ايجاد اجوبة و راجعي المصادر و شوفي معنى السؤال ما هو ايوته
و خليني اسالج هم سؤال ثاني هنا ، كم كتاب قارية عن الاسلام ؟ اسماءهم و اسماء كتابهم ؟
لانه اللي يناقش في موضوع بهكذا تجني و جراءة لازم يكون متبحر في الموضوع فارجو اتجاوبين اسئلتي اعلاه لو سمحتي متفضلة
و اساءة الظن مو حلوة اية
لانه اني اصلا ما اؤمن حتى بوجود و حاشا الناس ما اؤمن بوجود انسان غبي و انما هي قدرات عقلية فقط تتفاوت بين شخص و اخر لا غير و هذا مبداي و مو ذنبي انتي مو على معرفة كافية بيه حتى تعرفيني و تعرفين مباديء لذلك طبعا لا ، لا شايفتكم و حاشا الجميع اغبياء لانه اصلا ماكو هيج شي و لا ساذجين ابدا لانه اللي يسوي هيج و يسال اسئلة بنية بعيدة عن الحصول على الجواب هذا اسمحلي و مشكورة جدا من غير الممكن اصلا انه يكون ساذج و لا ممكن ان يوصف بالذكاء لانه الذكاء استعمال العقل في الخير و لكن صحيح انتوا قليلين معرفة و هذا واضح جدا و لكن المشكلة انه ما تتقبلون الا المعرفة اللي تجي على هوى و مرام مزاجكم اللا روحاني ! مو هاي التسمية اللي تستخدموها ؟ اذا كان من الله فهو بالنسبة الكم روحاني و اذا كان من البشر فهو علمي حسب وجهة نظركم الكريمة و لها كل الاحترام طبعا و لانكم من عشاق اللي تسموه علمي فكبل و بلا تفكير تتبعون (العلمي ) مع انه الله تبارك و تعالى بنفسه ذاكر انه الكفار والمشركين لا يعلمون
يقول الله تعالى
{{ وَإِنْ أَحَدٌ مِّنَ الْمُشْرِكِينَ اسْتَجَارَكَ فَأَجِرْهُ حَتَّىٰ يَسْمَعَ كَلَامَ اللَّهِ ثُمَّ أَبْلِغْهُ مَأْمَنَهُ ۚ ذَٰلِكَ بِأَنَّهُمْ قَوْمٌ لَّا يَعْلَمُونَ (6) }} سورة التوبة
صدق الله العلي العظيم
لذلك لا يصح اتخاذهم مصدر للعلم و ما يسمى بعلومهم هي مجرد ابحاث ممكن ان تنقض في اي لحظة و قابلة للتغير لذلك لا يمكن ان تعبر عن حقيقة كونية او حياتية و جميعهم يستخدمون كلمات
Maybe ...likely ...و we think ..we presumeالخ من معاني يمكن و ربما و نتصور انه و نفترض انه اي لا شيء مؤكد ابدا معهم و هذا واضح دوما لاي عاقل لذلك استنتاجاتهم متغيرة دائما اما الباقي الذي يفيد البشر و ياتي من خلالهم فهو بتسخير من الله سبحانه و تعالى وحده لان الله اذا اراد شيئا سخر حتى الشياطين لانفاذه و قصة سيدنا سليمان عليه السلام اكبر دليل
بسم الله الرحمن الرحيم
{{ فَسَخَّرْنَا لَهُ الرِّيحَ تَجْرِي بِأَمْرِهِ رُخَاء حَيْثُ أَصَابَ (36) وَالشَّيَاطِينَ كُلَّ بَنَّاء وَغَوَّاصٍ (37) وَآخَرِينَ مُقَرَّنِينَ فِي الْأَصْفَادِ (38) هَذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ (39) }} سورة ص
صدق الله العلي العظيم
و سؤال : متى اكتشف هولاء الباحثين الذين تلقبونهم بالعلماء ان الماء هو مصدر الحياة ؟ حددي السنة لو سمحتي
و هسه جاوبيني لو تكرمت مشكورة شوكت الله انزل القران الكريم ؟ قبل 1400 سنة، مو ؟ و في قرانه الكريم يقول
بسم الله الرحمن الرحيم
{{ و جعلنا من الماء كل شيء حي }}
صدق الله العلي العظيم
اتصور واضح مصدر العلم هنا، مو؟
و من الذي اوضح المعلومة اولا
و غيره الكثير و الكثير من علم الله في القران الكريم الذي فقط تاتي اكتشافات اولئك الباحثين مطابقة له لا غير
و نعم اذا كان حال عقولكم هكذا فطبعا انتوا مع الاسف مخدرين عقليا و مغيبين ايضا لانه هذا لا تفكر و لا اعمال عقل و لا تحريك دماغ هنا اصلا
و لا انتوا مو عدائيات و منين جبتي تصورج عني هذا الطويل العريض الخاطئ ؟!!! ما اعرف و لكن شغوفات بعالم معين هو بالنسبة الكم يعني التطور و التحضر و المدنية و الحرية و هو في الواقع العكس تماما بينما الاسلام يعني لكم عكس ذاك العالم اللازوردي اللي متخيله و هذا واضح من اللي يقرا كلامكم
انت كم سنة عشتي برا اية ؟ لو كات كم سنة عاشت برا ؟
خضتوا تجربة عملية حياتية حتى تقررون انه عالم اولئك هو رائع و ناجح و عالم الدول الاسلامية فاشل بالنسبة الهم ،تعرفين انه هاذي الحضارة الغربية اللي انت مبهورة بيها بنيت على اكتاف علماء مسلمين ؟ و لا تجي كات تكول لا مو مسلمين لانه اروح اجيب قائمة بسيريهم الذاتية اللي تؤكد انهم مسلمين و بالجامعات الاوربية اللي مسماة باسمائهم لانه هم لهم الفضل في استحداث علوم الغرب حاليا و حتى هم يعترفون بهذا الشي و لا اعرفكم زين و لوما اعرفكم زين ما كان حاولت و بصدق نية و بكل طاقتي انزللكم مواضيع تساعدكم و تخليكم تشوفون الحقيقة و من نفس عالم الباحثين و بعيدا عن اي ما تسموه روحاني لانه تنفرون راسا و لكن ما فاد ابدا فلا انتي قريتي و تابعت و لا هي و ليش،الله اعلم ، لاكتشف و الحمد لله السبب من لسانج و باعترافج الشخصي انه كل هالاسئلة بغاية بعيدة عن الحصول على جواب و لو باحثات عن الحقيقة كان تقرون و تابعون بكل صدق و حسن نية حتى توصلون للمعرفة لانه هذا حال الباحث عن جواب مو يسال و يعلق لغاية في نفسه بعيدة عن الحصول على المعرفة الحقة
و ختاما اسالج ايضا
شنو هي الاشياء اللي ما تعرفين انه هي حقيقة ام لا ؟
و كلت الاسلام لا يكمم الافواه و هو دينج و المفروص انتي الاعرف بيه من غيرج و بقوانينه و اداب الحوار و النقاش بل و حتى الجدال اللي موضحة بيه فطبعا لا حرب تعلن و لا اصابع تقطع و لا رقاب تنحر و لا حظر لانه المسلمين مو همج و انما مثال للانسانية و التحضر و هم من اجتثوا اوروبا و غيرها من قاع عصورها المظلومة الهمجية و الوحشية د تجين حضرتج و توصفيهم كمحصلة بتصرفات همجية لمجرد انه اشرت الى صمتهم الغير مبرر لانه بامكان كل واحد منهم يناقشك و يحاورج انت و هي و يوضحلج باسلوب هادئ المعلومة و مو ذنب الاسلام انه بيه اللي شوهوا صورته فارجو مرة اخرى تتحرين الحق والعدالة و الدقة عند الكلام عن الاسلام و هو دينج يا عزيزتي و تبتعدين عن شخصنة الاسلام و اتهام من يحاول التوضيح لك باتهامات باهتة باطلة و تشريح شخصيته على هواك لتبرري خطاك
باختصار انتوا شخصيات رائعة و حلوة و لكن من اللي قريته من تعليقاتكم عدكم تناقض بين ديانتكم و توجهاتكم ، لانه ما ممكن واحد يؤمن بالله و يؤمن بنظرية التطور في نفس الوقت و اقصد بارت انه الانسان له اصل مشترك مع القرد ! مترهم ابدا يعني و لا بنظريات نشاة الكون المجنونة الحالية و هسه تكولين يمكن انه انتوا مو مؤمنين بهاي النظريات و معاج و لكن ما يفهم من كلامكم يوحي انه مؤمنين بيها مثل اللي يفهم من مثال العزيزة كات التوضيحي
و عن الحرية فانت حرة و الجميع و لكن حريتك تقف عند حرية الاخرين بمعنى اذا سببت ممارستج لحريتج الاذى لغيرج عندها انت غير مستحقة لها فيجب ان تحكمي العقل و الاخلاق و الدين فيها دائما
و انت مشكورة تردين تخلين البعض يتساءل عن شنو اذا ممكن بهيج اسئلة و تعليقات ؟
عندج اجابة صحيحة حقيقة للاسئلة اذا سالج اللي خليته يتساءل لو هيج رمي جزافا ؟
يعني كمحصلة مجرد د تخلقين نوع من البلبلة لا اكثر في عقول البعض و كلها المسالة تنطي ايحاء مو مناسب و خاطئ عنج و عن كات و هذا كله بمجمله اثم الج و لغيرج عزيزتي لانه عمل خاطئ
و كلامج ما ياذي الاسلام و لا اني و لا غيري ، ياذيج انت فقط و من تنجحين انه تشوشين عقله و تركيه دون رد واضح حقيقي فانت و هي المتضرر و هم عاجلا ام اجل
و راح انزل اجابات اسئلتكم هنا تباعا سواء هنا او في موضوع مستقل لانه من حقكم انتوا و غيركم انه تعرفون الاجوبة اذا حبيتوا طبعا لانه الدين النصحية و ليس الاكراه عليها
و هذا اول سؤال من العزيزة كات
" هل الجنة حصرا للاسلام ؟ "
الجواب في الموضوع ادناه
اسئلة تبحث عن الحقيقة ، الجزء الاول
و راح ادرج روابط اجابات باقي الاسئلة تباعا حال نشرها كاجزاء في الموضوع اعلاه فهذا تنويه لمن يحب الاطلاع
ختاما انتهى النقاش و يغلق الحوار عن هذا الموضوع رجاءا يا اية و كات لذلك ارجوكم عدم الرد ابدا على هذا التعليق لانه مضيعة لوقتكم فقط لانه راح تعيدون نفس الحجي السابق لذلك مراح ارد لو رديتوا لانه وضحت بشكل اكثر من الكافي حتى لدرجة الاغراق في الاسهاب فاعتذر عنه و لكن اضطريت و كل الاسئلة اللي طرحتها عليكم اعلاه فكروا بيها و جاوبوها بينكم و بين نفسكم لانه اني مراح احصل شي اذا عرفت اجوبتها منكم فغاية طرحها فائدتكم انتو و متاكدة ان مستوى الصدق و الصراحة مع ذواتكم عالي جدا و الاعتراف بالخطا فضيلة و لو بعد حين يا اخواتي العزيزات
لكما تحياتي و امتناني و شكري العميق للجميع و ليرعاكم الله سبحانه و تعالى دوما دوما انتم و الجميع
اصعب موقف وفاة والدي و والدتي الله يرحمهم
ما الصفة التي تقدر في الانسان ؟
المشاركة الأصلية كتبت بواسطة حسين عباس.
السؤال وين
وخليها جامدة احسن
