الى كل من من ظلم شريكه بالانفصال عنه تجنيا دون ان يدرى سبب
لذلك الانفصال اكيدا كان ذلك ام جرما ما اتاه ام نكاية .
ما كان العشم
سَكّناك قلوبنا
البعتها وضيعتها
فى بداية الطريق
فارقتها وبهدلتها
لسه شايلاك العيون
ال بالسهاد كحلتها
ورغم الوفى
هجرت ما انصفتها
ما كان العشم
بالريد وكت كاشفتها
وذابت فيك حنان
روحى المعاك ازهقتها
للعشرة ما راعيت
بى اقسى الفراق كافيت
فرشت ليك دربك ورود
عبيره يسرى مع المدى
يعبر كل حدود
دست على الورد
بى قسوة اتناسيت
مشوارى المعاك
الكنت فيهو مشيت
ازرع فى الامانى
البيها ماتهنيت
كل نجمات سماى
الفيها كم ضويت
وبدر البدور
الفيهو كم هليت
فارقو ليل اساى
وصبحت وحدى براى
اجتر الهموم
والحسرة فى يارين
كم قلت ليك كتير
انت سيد حلمى الكبير
وانت محبوبى الاثير
الا ماعاد بالنفع
ولا هان عليك قلبى الكسير
ما شفعت الجودية
والحنه قلبو عليا
دادوك متل طفلا
فى حضن الجدة بالعصرية
ترجع لى تعيد ايامك البدرية
لكنك قسيت
وحلفت تب بالمية
انقطع النصيب
ما شىء بعيدك ليه
فارقت دربى خلاص
قطيعة مية المية
ما لى فيك رجوع
والرجعه ميى زندية
إن عزمت روح
ياروح فداك الروح
ذكراك مى منسية
بس حقى العليك
صارحنى بالسببية
بقلمى / ود امدر
رد مع اقتباس
المشاركة الأصلية كتبت بواسطة جنة الروح
