هنا

[ارجع يازمان]

ليش اتروح!
حسين الساعدي
،،،،

ليش اتروح
وانه اوياك مشتركين روح ابروح!
ليش اتروح!

ساكت ماترد الصوت
وصوتي الهاكثر مبحوح!

ماندري ابقرار الموت
مايرحم جرح مذبوح!
ليش اتروح

مو جان الدمع مستور!! صار ابغيبتك مفضوح!
مجروح ابغيابك حيل والله ايساعد المجروح
حسبالي وتضل اوياي
متخلي الحمل مطروح!
ليش اتروح

فضيت الشراكه اوياي
راجعت الحجي الممسوح
عاينت الخساره اهواي
هم زين الدمع مسموح!
راس المال ضيعناه وحصلنه البجي والنوح!!
انه امسودن ابدنياي وانته البلكبر مطروح
وانه ابريحة الدمعات وانته ابوردتك وتفوح
لو يرضاها ملك الموت جاء بادلنه روح ابروح
ليش اتروح!
ليش اتروح!
االساعدي

[توليب]

الله الله
عاش الذوق..

[ارجع يازمان]

الله الله
عاش الذوق..

حضوركم اجمل دمتم بخير