هنا

[المهاجر الزيدي]

عيني عليك صبت دمع مندم
وعلى حبي لكضيتة وياك مندم
تكلي بجيت دم عليك مندم
ولك انتة فرح وابصار الية

[المهاجر الزيدي]

تدري بيه بروحتك ماراح اعيش
اشلون كلبك طاوعك خليتني
موش عميه الوادم تشوف الدموع
وانت هيج بلا ذنب بجيتني
لو صدك مكسور كلبك ما مشيت
بسكته لو بهداي جا حاجيتني
وكتلي رايح لا يظل بالك وراي
حته اعرفك من صدك مليتني
ليش خليت الدمع فايض عليك
ردتك تشوفه اشعجب نسَيتني

[المهاجر الزيدي]

مشاركة
جذب من كال طير السعد ماشاه
مشه وكلبي أعله طول الدرب ماشاه
كضيت أشتاي كله أشاه ماشاه
بخرابه وينتف اجويريد بيه

نورت يااصديقي
تحيااتي الكم
كون بالقرب

[† ذلفاء †]

هجرك ياولف صاير بلا حد
مثل سيف اليكص ركبة بلا حد
وگلتلي انتظري ارجعلچ بلأحد
اجه الاحد ويمته تعود اليه

[† ذلفاء †]

احد سچين صبري وچن ولاحد
التفتت وماشفت ربعي ولاحد
وچم سبت اليمر بيه والاحد
اجي بس شوفتچ تصعب عليه

[† ذلفاء †]

لتهم بالعمر خلصان وحده
وانا ضعني سرى بالهوىوحده
حلت چنها بعيونك غير وحده
گمت ماتسأل ولاتمر بيه

[† ذلفاء †]

محبتك تجري وي روحي ويدماي
وعليك انشلت عظامي ويدماي
انچويت بيد انا ناري وبيد ماي
ولكن من يطابگهن سويه

[† ذلفاء †]

قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية

[† ذلفاء †]

يالسهمك لحد حشاي مارد
أظل وياك لأخر نفس مارد
چم مرسال الك رديت ومارد
وظرف منك فلا وديت اليه

[† ذلفاء †]

احذر ياگلب تسمع وعدهن
شكثر دگات احسبهن وعدهن
يضل الفكر هاجرني وعدهن
بعگل مجنون مدري شصار بيه