هنا

[† ذلفاء †]

گلبي انت ملكته وانت حر بيه
عليل ودواه عندك وانت حر بيه
ويا كاس السم اجرعه وانتحر بيه
ولا غيرك يمس اطراف اديه

[† ذلفاء †]

عليك الحال ما ظل حال بعدك
وعليك الدمع خالص نزف بعدك
اجاني الموت وانت بهجر بعدك
تحب الموت اظن انت اليـــــه

[† ذلفاء †]

سجاجينك بنص حشاي / لاحن
وعزف عود بدليلي الـــــك / لاحن
شنو گلبك صخـر .؟ لا سئل / لاحن
وانه كلبي نترس ضيم واذيـــه

[† ذلفاء †]

يدهري الكَــــــلب ايس مره مني
وكَصني إسهام هجرك من رمني
أكَول السبــــــــــب منك مره مني
وحرت ياهو سبب هالصار بيه

[† ذلفاء †]

مهموم الكَلب بي جرح بي داي
واتيهن لو مشيت باثـــر بيداي
من اوصل البابك وادكَ بيداي
احس الباب هوه ايدكَ عليه

[المهاجر الزيدي]

التحية لك عمو.. تدلل ابن اخوي
انت تدلل على عمك

ميدلل عليك ظاالم
عموو تحياااتي

[عمار حسين]

افتتاح مبارك

[المهاجر الزيدي]

افتتاح مبارك

حبيبي الغاالي تسلم
نورت
كون بالقرب

[عمار حسين]

مشاركة
جذب من كال طير السعد ماشاه
مشه وكلبي أعله طول الدرب ماشاه
كضيت أشتاي كله أشاه ماشاه
بخرابه وينتف اجويريد بيه

[المهاجر الزيدي]

تعال أكعد أبكلبي وشوف شيصير
كل دكه ونبض تصرخ أبأسمك
مو قرآن جيب الكعبه وياك
حتى أحلف عليها أشكد أحبك