طر زيج النخل ياريح واتدنه
البعد چذاب
يالگاطع شرايين الدرب عنه
نزفنه تراب
واجيتك عتبة
واستجديك دگة باب
اتوچه اعله
الدمع وانهال
يمن شما اسولف بيك اگولن هم بعد تنگال
طيفك سامني بفزة
وبچيت شما حوت روحي عليك الدمع ما اعزه
البچي گنطرة المتانيّن
وانه شعندي غير الليل ومتاناك
واغاني استاهدك بيهن
وادورهن وما الگاك
وصورة
تطشرت بيدي كثر ماگلبت بيها
الوذن بامي
عن طاريك واعرضله بنعاويها
الغيمه تفزز
النهران من ينجاب طاريها
وحتى الماتجي
بذكراك هم اتذكرك بيها
رد مع اقتباس
المشاركة الأصلية كتبت بواسطة *جوهرة الجنوب*
