داري من وصلها بلا أذن دخلها… يبوبه… يبويه
اتحجبت بيديه من هجم عليه… يبوبه… يبويه
***********
فاجئني ما عندي علم بأفعال الاصحاب
يهجم على دار النبي و اني بلا حجاب
ناديته أني فاطمة لا تدفع الباب
گلي و ان بنت النبي مات النبي و غاب
صاحبه التوله لا تحن يگله… يبويه .. يبويه
بايع الحميه من هجم عليه… يبويه .. يبويه
***********
من تقترب يمي ترى تتعده الحدود
گاللها ميت والدچ ما ممكن ايعود
گالتله حماي الحميه بداري موجود
گاللها حتى حيدره تشوفينه مگيود
ريتك تضرني ع الوجه سطرني … يبوبه… يبويه
غايته الأذيه من هجم عليه … يبوبه… يبويه
************
ظل يدفع الباب بحقد وين اليمنعه ؟
و يگلي موتي من الآلم موتي يا بضعة
يا حيدر و كسر الضلع ظليت اسمعه
كلعصرة اسعر تنطبگ سبعة اعلى سبعة
و التعدة حده غيرة ماكو ما عنده… يبوبه… يبويه
ناوي يگصي بيه من هجم عليه… يبوبه… يبويه
************
يا بويه اغرب ما شفت من هايخ الاشرار
بعد الجرى ردوا الي يطلبون الاعذار
رد التحيه بالشرع واجب يمختار
عرفوا اذا ما سامحت مأواهم النار
ينظر لجراحي يرتجي سماحي… يبوبه… يبويه
خاين الوصيه من هجم عليه… يبوبه… يبويه
*********
ما سامحتهم غاضبه اعليهم تراني
و اشلون اسامح من سطر عيني و عماني
كل لعنة الباري على الطگني و رماني
و الباري يغضب يا خلق من اغضب أني
ساخطه عليهم موتتي اعلى ايدهم .. يبوبه… يبويه
قربت المنيه من هجم عليه… يبوبه… يبويه
***********
لو ما يشعرون بذنب من هاجموني
ما جو يطلبون الهذر و توسلوني
و الشكوا بهذا الأمر خل يسمعوني
لو هم ما عدهم ذنب إلمن يجوني
و النكر محنتي شارك بچتلتي… يبوبه… يبويه
روحه ناصبيه من هجم عليه…. يبوبه… يبويه
************
و الدافعوا عن محنتي و گالو رزية
نعتوهم باهل البدع و الطائفية
و اليطلب بثار الضلع يحمل أذيه
ما ينحسب من سعيتي الصافح أميه
شيعي ما حسبته ناصبي و كرهته… .يبوبه… يبويه
شيعي بالهويه من هجم عليه… يبوبه… يبويه
***************
ما حسبه من شيعة علي البايع ضميره
و اللي يساوم ع الضلع ما عنده غيرة
و الما ينوح لمحنتي يعرف مصيره
هذا أميره مو علي الشيطان أميره
فايز اليودني خاسر اليضدني… يبوبه… يبويه
أروي للبرية من هجم عليه… . يبوبه… يبويه
************
كلمات : السيد /عبد الخالق المحنه .
أداء : الحاج / بـاسـم الكربـلائي .
داخل العتبة الحسينية المقدسة .
************
طبعت بأنامل العبد المذنب علاء 3laa
***********
رد مع اقتباس