ما أعاتبكم ولا احجي العذاب
انه ويه اجروحي ضميت العتاب

واضحك
ابشوفة وجهكم
ماأطلع كل جرح
ولو بجيت
عيوني يمكم
هايه دمعات الفرح!

ضلو
ابواهس عذابي
خلصو
ابشمعة شبابي
ما أكولن ضيعت هذا الشباب!
انه ويه اجروحي ضميت العتاب


::::::::::::::

والهوَء الناس التشمه
وشعجب صاير بديكم!

واختنك والدنيا ظلمه
وارجع اتنفس عليكم!

لازم اتحملكم
اني
واقبل ابهذا السكوت
لو أفاركم
ثواني
يعني معذور اليموت!

والمصيبه
وماتبدلون الدلال
والغريبه
وأنه منطيكم مجال!
والجرح منكم يجيني ابكل جواب
وانه ويه اجروحي ضميت العتاب!

::::::::::::::
هاكثر واكسر خواطر
والشماته التعتذر!

وانتم الخاطر بديكم
واشعجب ما ينكسر!

هيه عيني
الما تعوف ارسومكم
وما تشوف الناس
بس اتشوفكم؟

يا أسير
الما تكفونه ويروح
وياجريح
الساكت ابهاي الجروح!
هيه قسمه اتسجلت وبهل كتاب
وانه ويه اجروحي ضميت العتاب

:::::::::::::::

ما أعاتبكم ولا احجي العذاب
انه ويه اجروحي ضميت العتاب

واضحك
ابشوفة وجهكم
ماأطلع كل جرح
ولو بجيت
عيوني يمكم
هايه دمعات الفرح!

ضلو
ابواهس عذابي
وجو
ابشمعة شبابي
ما أكولن ضيعت هذا الشباب!
انه ويه اجروحي ضميت العتاب

حسين االساعدي