رجاءا اقرأ الموضوع للنهايه لازم تكلي شي يفيدك
انواع الحلف بالعراق
يوميه نسمع اشكال الحلفان حلف صدك وحلف جذب وحلف شقه وحلف مبرده
1- وعلمه لمحمد - على اساس هو رافع الرايه بمعركة الخندق !!
2-اكمع جهالي - شلون يعني يسويلهم اباده جماعية !!
3- بستر خواتي - لوعنده خوات محلف بيهن يعني جذاااب
4- وروحه لله !! يعني شنو ؟
5- وروحها لخالتي !! لو عزيزة صدك محلف بيها
6- والحمزة ابو فاضل - هاي شلون دبرها !!
7-بعرضي - يقصد عرض اكتافه
8- والحمزه ابو حزامين - وين شفته لابس حزامين !!
9- رورح ابوي الماشافته عيني - وهو مكابل ابوه ليل نهار
10-يكرم الله - على اساس هو ميحلف هوايه
11- واكو ناس يحلف 100 مرة بالله جذب وميحلف بالعباس !! اكيد القصد واضح
-----------------
اكو حشاش وكع بالاسر ايام حرب ايران كانو يخلون الاسرى يسلمون على اهلهم بالراديو
المهم صاحبنه ماخذ غفه اجه السجان ضربه دفره وكاله كوم طفر صاحبه وكاله
كوم لو بصل !
السجان :كوم ولك
الحشاش: ولك لو خرز ؟
السجان: لك بابا انت اسير
الحشاش : اسير مال شنو ؟
السجان : اسير حرب
الحشاش : اسف مسامع بهيج اسير سامع اسير برتقال اسير تفاح
اخر شي ضاج السجان شحطه واخذة يم المذيع وكاله يله سلم على اهلك من عابتلك انت واهلك
الحشاش : منين هي بس امي وشالت لبيت جديد وما اعرف عنوانها، بس خلي اسلم على ولد منطقتي :
اسلم هيثم ابن السحاره ومناف ابن الكرديه وجبار ابن الحوله وسعودي ابو التتن وفلاح خباله وجمال الهتر وعجاجين وجعجوع وزيودي الطاك ونبيل ابن جماله ....لك صدك نبيل لتنسه الحمامات بدون اكل ودير بالك ع الدراجه وتروح على حماده القرد اطلبه نص باكيت جكاير سومر ابوالجيس ضملياه من اجي زين ووو..... اخذو المايك منه بالكوه وجلب اله يحجي كالهم بس حجايه وحده انطوه المايك لزمه وصاح عاااااااااااااااااااا ودييييييه وشمر المايك
----------
ملاحظة
----------------------
سامعين بتشريب الكص !!!!!!!!!!!
--------------------------
بيض حسب الطلب
---------------------
رومانسية مفرطة
قال لها: أيقظيني عند الثامنة لأصحو على
صوتك يا حبيبتي..
... فقالت له: حط منبه
الموبايل ولا تسويلي نفسك نزار قباني
أنت وسكسوكتك العوجة
--------------------------
مرة تزوج عليها زوجها
فوسوس الها الشيطان في طريقة الانتقام
وفجأة توقف النقاش بينها وبين الشيطان ..!
وطلع الشيطان يفر براسة ويكول
مو لهاي الدرجة عاد
!!
----------
والله خطيه
-----------
اكو واحد خلو عليه سيطرة بالليل اجة واحد راكب بسوبر وكفة كالة وين مولي بهليل سكت كلة مرة ثانية وين مولي بهليل كلة ولك احترم نفسك اني العقيد سعد... كلة اسف سيدي والعفو
بس وين مولي بهليل
------------
الجنه تحت اقدام الامهات
نزل يقبل قدميها . . . !
فَـ قــالــت الام : مـــاذا تفـعــل ... ؟
قــال : ألـيــست الـجــنـة تـحــت أقــــدام الأمـهــات . . ! ؟
... ... ...فـقــالــت الام:-
لا تتلوك أبوك وصاني و كلي ديريبالج تنطي سويج السياره لهذا الدايح
-------------
ابوذيه محشش
اهلك من حلات البيك ميتين
وطعم خدك ينور العين مي تين
اذا شفتك راح ابوسك حيل ميتين وتلاثة واربعة يجوز اكثر ..
-----------
اقوال حكماء الجاهليه
قال أحد الحكماء في الجاهلية ما رأيت أبخل من ثلاثة :
من يلبس القديم ولديه الجديد!
ومن يمنع نفسه عن الطعام ولديه المزيد !
وسكت .... فقيل له من الثالث !
فدمعت عيناه وطأطأ رأسه وقال:
من لا يرسل لأصحابه أي إميلات
و جالس يستقبل الإميلات فقط
ثم أجهش بالبكاء حتى بكى كـــل الحاضرين معه في (الأنترنت كوفي شوب
--------------
لعبه العمارة والبرازيل
صارت مبارات بين فريق العمارة وفريق البرازيل اخذو البرازيل 21نقطه بالشوط الاول كال مدرب فريق العمارة اشرد لاانكتل وراح للكهوه ورا شويه شاف فريق العماره شالين الكاس ويهوسون سألهم اشلون جبتو الكاس كلوله كسرو احميد وجبنه الكاس فصل
--------------
رون سايد
شنو غير الحزن بالوطن سايد
انظلمنة وما يشور بعد سيد
اذا مشي الحكومة رون سايد
اذا نشبع ردم صبح ومسية
----------------
نكات جاهليه
رأى رجل غلاما يشرب الماء بيده اليسرى
فقال له: يا غلام!!! بيمينك
بعد عدة أيام رآه مرة أخرى يشرب بيساره
فقال له: هل أنت ايسر؟
فقال له: لا أنا "توشيبا"!!
فضحك الجميع و عم الفرح و السرور أرجاء القرية
و اشتروا جميعهم لابتوب توشيبا !!!!
______________________________
سال أعرابي زوجته : ماذا تفعلين ؟
فقالت : ازيل الغبار عن الطاولة
فقال لها : ازيل ولا كريستيانو
فضحك الزوجين ثم طلقها لأنها كتلونية
-----------
قام علاء الدين بفرك المصباح السحري
فظهر له المارد وقال له : لقد فككت أسري فلك 3 أماني
فقال علاء : أماني و ألا مريم ؟
فتفل عليه المارد وعاد إلى المصباح
-----------
تفاحة نيوتن
------------
سرعه البديهيه العراقية
الرئاسة الامريكية اعلنت عن مناقصة لترميم السياج الخارجي للبيت الابيض
حضر للمناقصة 3 مقاولين عراقي - وامريكي -وهندي
وقدمو العطاءات
الامريكي كال 10000دولار
الهندي كال 90000 دولار
العراقي كال 190000دولار .. تعجب مسؤول المناقصة وعاط بالعراقي انت خبل شنو هذا السعر؟
العراقي بكل برود اعصاب شاور المسؤول كال هاي شبيك ؟؟ 50 الف الك 50 الف الي ونطي الشغل للهندي ؟؟هع
----------------------------
عصبي كلش
واحد عصبى حب وحده وقرر يصارحها بحبه
..
.
.
.
.شافها واكفة وراح عليه برسعة لزمها من ايديها وكالها شوفي اني اول ما شفتك انعجبت بيج
.واكيد انتي مو عميه ولاحظتي هذا الشي
.
ولا ثوله و غبيه اكيد انتبهتي لتصرفاتي
.
ولو جان عندج ذرة احساس اكيد حسيتي
.
لا تكولين خلي افكر ومن هاي السوالف اريد القرار هسة افتهمتي ؟ ولازم تكولين موافقة
.
وبعدين على شنو تفكرين؟ هااااااااا ! شنو البيه مايعجبج ؟ اني احسن منج بمية مرة يا ثوله ياحقيرة!!
.
اساسا الحق عليه اني الغبي الي جيبت اصارح وحدة مثلج !! يله امشي ولي ثول بعينج يابومه
-----------
كلش قويه
اكو فد رجال بس يدور طلايب وية مرته خطية اقل شي وكتلها وهي يومية زعلانه ...
مره شافتها صديقتها سألتها شبيج سولفت الموضوع .صديقتها كالت هاي سهلة .
كلشي يطلب منج سوي اي شي ... المهم اجه ابو جاسم سكران تالي الليل وصاح ..
ولج وين العشة اجته اي حبي هذا نوعين شوي وطبخ ؟؟ تعشة وكمل صاح
جااااااااي مثل الطلقة اجة الجاي . شربه وكالها وين فارشة . كالت اكو جوة واكو فوك
صعدك فوك بس مدخن لان مالكة حجة يكتلها . شاف الفراش مرتب ونظيف باوع للسما
..كالها هاي شنو . كالتله نجوم .. كال زين هذا شنو واشر ع الميزان ؟ كالت هذا الميزان
كالها منعولة الوالدين فارشتلي جوة الميزان حته يوكعن العيارات عليه ..ووين اليوجعك
------------------
الشيطان ضايج
سألو الشيطان ليش ضايج .... كال من المسؤولين اعلمهم للبوك ويبنون عمارات يكتبون ((هذا من فضل ربي ))
لعد اني شنو شغلي ؟؟
----------------
شباب ع الفيس بوك
--------------
شعر محشش
صبية من قوم عيسى .. كاعدة بسوك الغزل
طلبت الوصل منها ....عاندت دكت رجل
فلما دنوت منـها .......كالت شمالك خبل
----------
محشش مريض
محشش من طلع من عيادة الطبيب يسولف ويه روحة
ارنب بالسطل؟؟ لالا
تمساح بالبانيو ؟؟ لالا
بريعصي بالحمام ؟؟ لالالالالالالا
الو... دكتور بلا زحمة شنو المرض مالتي
الدكتور كاله هاي المرة الالف اكولك سرطان بالحوض
----------
ردح امريكي عراقي
<strong><font size="6">
----------------
مضارالخمر
دُعي أحد الدكاتره لإلقااء محااضره
في مركز للمدمنين عن أضرار الخمر
فأحضر معه حوضان زجااجين !!
- الأول : فيه ماااء
- الثاني : فيه خمر
وضع دوده في حوض المااء فسبحت
ثم وضعهاا في الخمر فتحللت وذابت
حينها نظر إلى المدمنين سائلاً :
- هل وصلت الرسالة ؟!
- فكاان الجوااب : نعم
- فقاال مااهي ؟!
- قالوا : اللي ببطنه دود يشرب خمر هع
--------
طفل ذكي
اكو ولد سال ابوا كله بابا اني شلون اجيت للدنيا ابو فكرا كله حطيت شكر جو الزوليه وانتا طلعت كام الولد وحط شكر جوة الزوليه ثاني يوم الولد شال الزوليه لكه صرصر كله والله لو مو ابني جان صفكتك بالنعال
-----------------
القاموس العراقي
القاموس الرّافديني المحلّي
تعلّم اللّهجة العراقيّة من دون معلّم
كلامُك غير منطقي= سولفها عالدّبة
تمّ طردُه= دگوله طابع
جعلوه ينتظر= شدّوله مغـذي
يحتظر= ساحب استمارة
يخبّـئون شيئاً ما= مدستريها بيناتهم
لا يتناقش أو يتنازل= قافل من الرّئيسي
تبدين رائعة= تشگين شگ
يعمل أعمال حرّة متفرّقة= يطگطگ
أنجز عملاً بسيطاً بصعوبة بالغة= جابهة دقلات
قبّحك الله= موت الكرفك
إنسان فارغ = بوخة
هل تزوجت؟ = ها .. تعگلّت؟
تم إستغفاله= إنطرح زوج
شخص متمرّس = أبو درب
شخص سمين = أبو ثرب
كيف حالك؟ = لك ها؟
دعك من السخرية = كافي لواگة
ياللمصيبة = عزة العزّاني
ماذا تفعل؟ = شدتصخّم؟
من سيدفع حساب العشاء؟ = براس منو التقفيصة
دعك من هذا = خلّي يولّن
دعني وشأني = دفك ياخة عاد
هاهاها جميل = هاها خرب عرضك
تبدو أنيقاً = طالع آدمي
يشكّ في أمرٍ ما = الفار يلعب بعبّه
لن أصدّق ذلك = عبالك تعبر علية؟
اعطيتَ رشوة؟ = ورّقت؟
شخص مجنون = لاگف
دعنا نهرب من العمل = خل نگلب
إنسانة مرتبطة = مكپلة
ليس لدي وقتٌ كافٍ = مدالحّگ أحكّ راسي
محتال = كلاوچي
جازاك الله=نزوووووووول
إنه مرعوب – بايگ هوة
عاطل عن العمل = حديقة
طردوه = لزّموه المبلّط
تفرقوا أيادي سبأ = صار طشّارهُم ماله والي
طفيلي و ثقيل دم = مشلغم
يفتخر بأبسط الإنجازات = عبالك مپـنچر الدبابة
عاد بخفّي حنين = لا حظت برجيلهة و لا خذت سيّد علي
أحسنت = هلة بحسّـك
لا تهدّدنا = لا تهمبل علينا
يبدو شاحباً جداً = طالع من الگبر بكفالة
بلغ من الكِبَر عِتيّا = الله يطلبه عشر سنين
أنا لم أدعوك = منو دازلك خط مصخّم؟
مجنون = شاخط
تم إختطافه = علسوه
تمّت تصفيته = صكّوه
ما أغباك = ولك دماغ سز
إجتاز الإمتحان بصعوبة = نجح بالدّفرات
---------
حشاش صار شيخ
فد واحد حشاش صار شيخ اجاه واحد كالة شيخنا اريد اتوب .. كالة توب مال تاير ؟؟ كاله لا شيخنا اريد توبه ؟؟ كاله لعد جهالي بيش يلعبون ؟؟ كاله شيخنا اقصد اني تايب ؟؟ كاله تايب لو عجوز ؟؟ كاله شيخنا يعني اني تبت!! كاله تبت لو شامية ؟؟ كاله شيخنا انعل ابوك لا بو الي يتوب !! كاله شبية اليوتيوب خوش موقع ماكو داعي للغلط !
----------
تهنئة محشش
بمناسبة عيد الام المبارك اهنئكم برمضان الكريم جعله الله عليكم زواجا سعيدا وكرسمس خير وكل عام وانتم بخير .................... مع تحيات جمعية مرض الزهايمر للطباعة والنشر دوت كوم
------
حشاش عراقي بالطياره
المضيفه نادت :- لازم نضحي بتلاثه من الركاب لأن الوزن ثثقيل والطياره رح توكع .. .. الأمريكي كال :- تحيا الحريه الأمريكيه .. وشمر نفسه الفرنسي كال :- يحيا الحب في فرنسا .. وشمر نفسه ..... .. .. .. العراقي كال :- يحيا التحشيش في العراق .. وشمر المضيفة
--------
حشاش جاب خدامه لزوحته
محشش جاب خدامة هندية لزوجته كالت له زوجته غريبه ما تلاحظ هاي الخدامة تلحكني وين ما اروح بشكل غريب كلها :عادي هاي هندوسية تعبد البقر
----------
3 حشاشة
ثلاثه حشاشه ما حافضين سوره ألفاتحه بأي عزاء يحسبون من الواحد للعشره ويمسحون وجوهم
فد يوم ماتأبو واحد منهم جماعته أجو يعزوه فهذوله طولو فكلهم ليش طولتو كالوله أنت صاحبنه وأبوك يستاهل حسبنالك للمية
----------
حشاش عنده تسمم
اكو حشاش صار عنده تسمم اخذو لمستشفى خللوله مغذي كام يفتح ويسد بعيونه اجته الممرضه كلتله شبيك ليش دترمش بعيونك كللهه جار الشحن هع هع
----------------
شوفو هذا الكارثه هع هع
<strong><font size="5">
رد مع اقتباس
المشاركة الأصلية كتبت بواسطة زهراء امين
