قصتي وي ملة الحنه
السلام عليكم درر
شونكم انشالله مرتاحين
.
اليوم حبيت احجيلكم قصتي وي ملة الحنه (اللي تسوي حفله حنة البنيه)
بعطله نصف السنه صادف يوم خميس اخر يوم بالعطله
زواج ابن خالي بكربله ...
احنه جهزنه نفسنه علمود نروح لحنة البنيه بالليل
قبل مانطلع من بيت خالي
نتصل ع السايق اللي ياخذنه لبيت البنيه وميجاوب
وانوبه الشباب كلهم بحنه ابن خالي ومانگدر نتصل ع واحد بيهم حته يوصلنه
وره تقريبا نص ساعه واحنه واگفين بالباب وكل وحده لابسه كعب طوله نص متر وملفلفين ارواحنه بالعبايه
اجه السايق بعد معاناة الاتصال والرزايل هههه
المهم اجه ..وصعدنه ...وجان
عمات الولد وخالاته يرزلن السايق رزاله غسل ولبس
صدگ وصلنه لبيت البنيه
ونزلنه واشتغلت الهلاهل والدبكات
احنه كرايب الولد من البنات ولا وحده جريئه كولياتنه خجولات وگعدنه ع فد مكان واحد وبس نصفگ هههههه
اني ماگدر اگعد لان لابسه كعب اضطريت اوگف وصارت وگفتي يم المله
وساعة السوده الوگفت يم المله
الصوت صار كوله ب اذاني لان دي جي ومضخمات صوت
انوبه المله حطت سولتهه بشعري
واني هستوني مشسوره وهوة منا انصفط من وره العبايه والحجاب
وانتضار السايق دمرنه
وهاي تجي وتخربط شعري وتكفشه
بله هاي شسويلهه اكتلهه
اول مره سوتهه سكتت
ثاني مره وخرت ايدهه بقوه
ثالث مره روحي صارت بخشمي
اخير مره عطت بيهه
هيه صفنت بوجهي وكالت شدعوه غير اكولج حلو شعرج
گلتلهة موحلو واذا مديتي ايدج ع شعري اكسرلجياهه هوة مايعه روحه
كالت اسفه عيني لتضوجين
اني لازم خباثتي تشتغل
خربت شعري مستحيل اسكتلهه
السماعات يمي والفلاش ماله الموسيقى بصفي
شسوي شسوي
خليتهة تلتهي
وخمطت الفلاش وضميته
جان ينگطع الصوت والموسيقى
ضلت تتلفت منا ومنا [وافشلتاااه] ههههه
اني سويت نفسي بريئه ومامسويه شي
ااهل البنيه يمهم مله ..ف راحو صاحوهه حته هيه تصير ابدال هاي الخبيثه
اجت وشغلت الموسيقى وع عناد المله الاولى
گعدت بصف هاي ولطشت يمهه
هيه اتفشلت وطلعت للطارمه
.
هههههه لعد شعبالكم اسكتلهه مستحيل
ومن رجعنه لبيت خالو سولفتلهم وطبعا اكلت رزاله تخبل من خالو حبيبي
هههه
اسف للاطاله
رد مع اقتباس
المشاركة الأصلية كتبت بواسطة رهف
