من گد الرگص حتى مابية حيل اكتب الاحداث
جسمي مكسّر .. بس ان شاء الله إلي عودة مفصّلة
صباح الخير
وجمعة مباركة عالجميع ان شاء الله
هذي اول جمعة للمدونّة
اي هسه خل نسولف ع الي صار البارحة...
طبعا اول شي رحت للكلية الصبح .. جان ماعدنا محاضرات (( على اساس )) انه الممثل محاجي كل الطلاب كايللهم لحد يدخل محاضرة ولا لاب .. بس تعرفون المزعطة
المهم وصلت للكلية طبيت اويليشنو الشغل شنو الترتيب بالسنتر .. الكل موجودين ومبدلين الولد لابسين زي خليجي يجنن عليهم والبنات لابسات فساتين ((دفعة ولد وبنات يموتون كلهم حلووين
))
اجة الــ DJ نصب ادواته بالسنتر وبدة يشغل اغاني وطنية رداحيةمثلاشمس المصلاوي "بوياي " و " ول ول ول ول ولك .. هاا " فد شي طبعاً.. صوت الــDJ شعلاته بحيث يخلي اثكل واحد ووحدة لازم يهزون
المهم ماسولفلكم الركص الزين هههههه .. تقريبا ساعه على هالحالة وراها كال هذا كله احماء .. الحفلة الصدك حتصير جوة بالنادي (( حفلة المرحلة الخامسة الخاصة بيهم )) .. كال ممنوع احد من غير الخامسة يدخل وان شاء الله ساعة بــ12 نفتح الباب لباقي المراحل ... احنة طلعنا برة الكلية
صباح الخير أخي جمعه مباركه علينا وعليكمالمشاركة الأصلية كتبت بواسطة Hãÿdèr Àł Ãńèèk
صباح الخير
وجمعة مباركة عالجميع ان شاء الله
هذي اول جمعة للمدونّة
صارت بــ 11 ونص .. واحنه برة الكلية نسمع صوت الــ DJ الي بالنادي .. فــ كَـمنة نحوص
رحنا وصلنا يم الباب مال النادي شفنا نظام حفلتهم .. وهو
البوسترات الي سولفت عليهن الي كل مجموعة بيهم مسوين بوستر ولابسين ملابس خاصة بيهم .. هذولة نفسهم متقسمين ع الحفلة .. يعني
همه اصلا هذوله ( 15 كروب ) متقسمين كلت حسب البوسترات وحركاتهم الخاصة بكل بوستر
فـ بالنادي شمسوين ؟؟ .. مسوين مجال بالنص من الباب ولنهاية النادي ( واكف ال،، DJ) فوعلى جانبين هالمجال همه طلاب المرحلة والضيوف ..
فـ الترتيب هو ابو الــ DJ يصيح نرحب بكروب رقم واحد .. كروب " الحكومة " مثلا .. يفوتون همه حسب تنظيمهم ,,
احلى كروب بدخلته عجبني كروب " شيوخ الاسنان " جانت دخلته انه دخلو الولد واشتغلت الاغنية الخاصة بيهم .. وراها اشتغلت اغنية ثانية ودخلن البنات والركص الزينوراها اغنية ثالثة اشتغلت كلها ركصت عليها ...
ها نسيت اكللكم غير كوة دخلت بالدفرات.. هههه وصلت يم الباب انفتحت رادو يدخلون كروب جان زركت وياهم كلي انت ويامن جاي ؟؟ كتله ولد جماعتي هذوله .. كلي حبي اطلع برة بلا زحمة
.. كتله يمعود ذوله ذوله .. جان يجي ممثل المرحلة مالتي محمد (( بدون اتفاق )) كله وياية وياية دخله وكوة دخلت هههههه .. من بين كل المراحل منعوهم من الدخول بس 3 دخلنا اني و2 ولد وياية
طبعا اني اصور واركص بحيث التصوير صار بي رجّـة هههههه
بس الله ستر مالزموني واني اصور .. لان جان صارت سالتفي تتسولف بالكلية
اي وراها خلصت الكروبات .. فتحوا الباب.. صعد وليد ديسكو.. كلب الدنيا كلاب هههه .. حتى البنات كامن يكمزن ماكو هيج
والركص استمر من صعد وليـــد ولنهاية الحفلة .. احلى شي اني وجماعتي الاولى تنظمنا على شكل حلقة مرة ومرة قطار ومرة جوبي ومرة دبكة كردية
تشوف بنات المرحلة مالتي كلهن يصورن ومتعجبات ههههههه ... انفضحنا وراح الثكل
بحيث من طلعنا بنية ويانا كالت ترة مو حفلتكم هاي حفلة الخامسة
ووحدة كالت ما جنا متوقعيكم هيج
المهم تونسنا ونسة ماصايرة .. هواي حاضر حفلات تخرج بس هيج حفلة ابد ماشايف .. الحمدلله والشكر
وكالها ممثل المرحلة الخامسة كال هاي دفعة تاريخية ان شاء الله .. وصدك تاريخية
وان شاء الله يوم الثلاثاء رح اروح لحفلة تخرج كلية الصيدلة / اليرموك الجامعة ..
قـد يؤخرهــا الله عليك !
ليفاجئـك بالذي هو أحب إليــك
رد مع اقتباس
