هنا

[‏Hãÿdèr Àł Ãńèèk]

هلو مدونتي ..
اسف ع الانقطاع لانه انشغلت شوية
ابرز الاحداث الي صارت بهالايام
دخلت جم وبديت اتمرن ..
والبارحة نزلت للكوت .. لديرتي .. لولايتي ..
حتى هواها يختلف
بس انصدمت انه بس وصلت ورة ساعه رجعتلي الحساسية .. ماعرف يمكن جسمي تعود على هوى بغداد ..
ولحد هسه بعدها بس خفت شوية ..
چان المفروض اروح للكلية اليوم ( الهندسة ) بس كعدت لكيت عيوني كوة افتحهن من ورة الحساسية .. فـ بطلت مارحت
اليوم حأطلع اشوف الضلوع الابوذية ان شاء الله .. عندي هواي سوالف وشغلات الهم .. وكلش كلش مشتاقلهم

[‏Hãÿdèr Àł Ãńèèk]

ستايل يوم أمس
حيلو لو مو حيلو ؟

[‏Hãÿdèr Àł Ãńèèk]

متابع بالتوفيق

اهلاً وسهلاً بيك وردة
منورني اكيد ..
التوفيق للجميع ان شاء الله

[‏Hãÿdèr Àł Ãńèèk]

صباح الخير مدونتي .. وجمعة مباركة

صارلي فتره مدااكتب شي بالمدونه .. كلش احب اكتب بس مادري ليش شوية بردت ...

حالياً اني بأحلى مكان
گاعد بمملكتي .. غرفتي .. كلش مشتاقلها
دااقره والسبلت مشتغل وجو السبلت ديذكرني بأشياء سويتها العام واول العام هيچ وكت .. يااااااه
دااكتب واتذكر طبعاً .. والله ذكرى ذكرى ولا يروحن من البال

[‏Hãÿdèr Àł Ãńèèk]

طبعاً كلش كلش كلش مشتاق لرمضان
ولايام رمضان . ولاجواء رمضان .. ولبرامج ومسلسلات رمضان
والله رمضان عشق اتمنى كون طول السنة ..

دااحسب لرمضان يوم يوم .. صح هذي الطريقة تأخره واتعبني .. بس شسوي من حُبي إله ..

والسنه يمكن امتحاناتنا الفاينل حتكون برمضان
مادري الله كريم

[‏Hãÿdèr Àł Ãńèèk]

خل يدنـِّگ لو وصـَل للشِجرة ذيـچ ..
الذكـرى توجَع والعليهـا كتابتــه !!

لـ • عليَ حسَن علوان ْ


#الذكرى_كلش_توجع.

[‏Hãÿdèr Àł Ãńèèk]

یاتنين النعمه مابيه دلال
مالي حيل الشوگ ياخذني ويرد بلا حبيب
ومالي حيل الناس من تشوفني تكَلي غريب
سچة العشاگ مابيها وداع
وحصة العاشگ چفن كونك شجاع


#عبدالوهاب_الحمداني

[‏Hãÿdèr Àł Ãńèèk]

الذكريات تزاحمن بأطراف عيني
ولو بچيـَت ..
أبچـي صوور !!

لمبدعها ~


لازم ارجع اقره هسه ولو الجو ابد ابد مو مال دراسة
مال صفنات وتسفطهن ذكرى ذكرى وسالفه سالفه
بس شسوي يجي وكتهن ان شاء الله ..

[‏Hãÿdèr Àł Ãńèèk]

هلو مدونتي ..
اليوم مدري بوجهمن مصبّح !!!
بالهيومن شگد چنت قاري وحافظ المادة بس خربطت كلش اهئ
بالفيزيا درجتي 5,2 ناجح بس كلش قليلة اهئ
وبالترمو جابلنا اسئله كلش صعبه هم اهئ

[‏Hãÿdèr Àł Ãńèèk]

الحالة النفسية زفت
صار خِلاف قبل يومين ولحد الان مالي واهس افكر بي ..
صاير بااااااااااااااارد كلش اكثر من طبيعتي ..
ماعرف شسوي .. اريد اروح للقاعه وارجع اقره كيميا او انحت ..
والعلاقات هسه مو وقتها ..

شكد اتمنى اخذ فتره نقاهه او مو نقاها خل نسميها استرتحة مقاتل .. يعني لازم كل انسان يحتاج فتره يختلي بيها وية نفسه يرتب اموره .. يشوف ظروفه ووضعه .. ينتبه لنفسه
بس المشكلة ماكو هالفتره !!!!!