كل حرب لمن تصك تنخه ابن ابوه
واحنه عند عين الحرب خوانهه
ترفة صح خدودنة بي بينه زود
النار صفرة وغيضها بدخانها
أحنه سرفنة الردن وأختي من اروح
تخيطلها أردآن فوكَـ ردانها
أزلام كلفة
الموت يآخذ منها رآي
تشوف بالطول التفكَـ نيشانها
هلهلن وتثلم الغيم البعيد
الكَاع ماي الغيم كض بيبانها
مانجيك بزي نجيك ملونيين
الصورة تكشخ بأختلاف الوانها
مانحَسب عالوره ع الكرَبة سيف
خاف تبتر ينكَطع شريانها
نسرج الكَاع ونطلع منها صوت
جفوفنه بوكت الحروب اعنانها
دمنا فوكَاها وصعد سعر التراب
يطيح جيل وجيل يصعد شآنها
تتعب ومانتعب احنه معلميّن
التفكَة كون نيبسلها السانها
غيم ع الساتر وكَفنة الكَطرة روح
وين ماطاحت تحس بمجانها
يشيل روحه وحده تابوت الشهيد
ياكلافة المو كلف دفانها
ياكلافة المو كلف دفانها
رد مع اقتباس
المشاركة الأصلية كتبت بواسطة *نجمه النجوم*
