المشاركة الأصلية كتبت بواسطة عدنان الواثق
هاي مره واني صغير اتذكر اجانه خالي مسير وكام يبوس بيه وشلونك خالوا ومن هالسوالف المهم كام يوصي بامي يابه عود خلي الوليد يروح لخواله يشم هوى انت ساجنته ليش جان امي ربي يحفظها ويحفظ امهاتكم جميعا تكله الله وايدك اخذه بس ديربالك عليه كالله معليج خويه انه معزوم بعرس اسبوع الياي واخذه وياي كول اجه اسبوع الياي ورحنا انه واكف يم خالوا والناس تسلم عليه واني ملبوس محد يسلم عليه يكولون هذا زعطوط ومحد دايرلي بال كول هاي مشيناها وكاموا يصبون عشا فصرنا انه وخالي بماعون حصتنه تعرفون شغلة الميوزه ومدري شنو المهم خالي عود وصته اخته بي كام يضرب الف عافيه واني صغير مالوح الميز زين خالي قابل يشيلني واكوم اكل وياه هاي سالفه وهو مناه فقد على ترتيبات الاكل وعرس واجواء حلوه وجماعته هواي كول عدوني انمرد من اليوع هس شكل لامي كول خلصت العزيمه بس انه ولااني خلصت من الجوع والفشله ومن تلكتنا امي جني نازل من الطياره قصفت اسرائيل ورجعتوكالت لخالي شلونه عدوني كلله صدك جذب عمي هذا سبع دكول حجى كال عاشت ايدج على هالتربيه الزينه
جان امي تكله عشيته لا
جان شيكلله لاه خرب انعل ابوالشيطان تدرين نسيته فامي وجهه اتعقج ..وكالتله لاهواي داير بالك عليه وصاحت ولك ماما وين انت وطلعت بسرعه من المطبخ وملغمط بالكريم مال الكيك شسوي يوعان وجان خربوا عليه ضحك وجان خالي يكول من خالك يروح الك فدوه ولك الفرخ شمسوي بروح من اليوع .....وهاهيه خلصت السالفه الطويله ادري بيها رطينه سويتها
