هنا

[ارجع يازمان]

لا تجاوب اذا ماتقرء كل المنشور!
هل من شاعر يسجله التاريخ بتكملة هذا البيت الدارمي!
رصيد وشهادة تقديريه للفائز
دعوه لجميع الشعراء للمحاوله بالمشاركه بتكملة الدارمي !
شطر عرض منذ سنوات وطلبو التكمله
والمطلوب تكملته باللفظ والمعنى
+الشطر يقول ولا اعلم هو لمن!+
السؤال
بينت كل الناس بس انت ماكو
جوابي كان
كالوا بأذر بيجان عاصمة باكو
او
كالو حقول اهناك تتسمى باكو
ااالساعدي
اذربيجان فعلا عاصمتها مدينة باكو وايضا هناك حقول تتسمى بهذا الاسم
وايضا محاوله لي اخرى صحيحة المعنى
:::كالولي باليونان تلكاها تاكو:::
او
لو تكلب الوكاش تلكاها شاكو
وتاكو مدينه باليونان
او
حال الدجاجه اعلك ضلت تكاكو
ترهم بس المعنى بايخ!!
او
ربيتك ازغيرون والمشيه تاتو
او
جربت صار اسنين ماصبر بلاكو
او
دورت كل الناس مثلك فلاكو
او
لا ترسل المرسال لا حته ساكو!
كل الاجوبه لحسين الساعدي وهناك جواب اروع!!بس خل اشوف محاولاتكم
وهسه نريد مفرده لهذه القافيه يكون لفضها صحيح مع المعنى-واكرر نريد لفظ صحيح
لا تكلي ياهو+ ولاكو+ وملاكو+ ولاكو +وراكو+ وجاكو+ وفاكو+ وهاكو+ وشاكو+ وفلاكو ههههه
لان هذني كلهن كلتهن ابوقتها ورفضوهن باللفظ الى ان توصلت للحل الصحيح اللي ذكرته وهسه نريد منكم محاولات اخرى حتى نكول فلان ايضا اجاب !
انطيني تكمله صحيحه
حسين الساعدي
منقووول

[شاعرالاحزان]

ناسي ونسيت الناس بس انت باقي
مثل الورد والماي وصير انت ساقي

[ارجع يازمان]

شكرا لحضورك بس احنه نريد تكمله للبيت المذكور

[شاعرالاحزان]

تهزهز يا لحد وانفض ترابيك
وعزيز الروح هالنايم ترابيك
يباچر عيد وعيوني ترابيك
دضل بنومتك والنوح اليه

[شاعرالاحزان]

صوتي من نداي عليك ينباح
وسرنه لا تضن للغير ينباح
اتوده ليش يطلع چلب ينباح
تحذر لا يغدرك بالثنيه

[شاعرالاحزان]

يحادي الضعن وين تريد ولميت
واخاف العزيز وياك ولميت
اچان اتريد وتولمت ولميت
بعد ماضل الك كل حك عليه

[شاعرالاحزان]

الدنيا وياي زعلانه وانه الها
تبالي الدوم راعيهه وانه الها
وحگ سادة بني هاشم وانه الها
مگولن اخ لو تنجلب بيه

[شاعرالاحزان]

عيوني من سبب فرگاك حايات
مغذيني هواك اسموم حايات
اموت ولا اطلب من النذل حايات
علي بيت المرد عيني جوية

[ارجع يازمان]

تهزهز يا لحد وانفض ترابيك
وعزيز الروح هالنايم ترابيك
يباچر عيد وعيوني ترابيك
دضل بنومتك والنوح اليه

عشت يارائع