المقادير
حوت سومون
حامض
تومة بزايد شوية
عصير الحامض
كريم فريش
شومبنيون طريين
ملح وابزار
ربيع مقطع
زيت الزيتون
الجوزة (اختياري)
كروفيت وكلامار مسلوقين
الحبق او ورقة سيدنا موسى كدلك اختياري لتنسيم الصلصلة وصافي
الطريقة
اولا ناخدو الحوته ونشرملوها بعصير الحامض والتومة مقطعة كبيرة والربيع وزيت الزيتون الملح والابزار
نخلطو هدشي كلو وندهنو بيه الحوته مزيان
وندخلو التومة فكرش الحوته
ونخليوها مرقدة قد مابقات مزيان
من بعد نجيبوها ونديروها فطاوة ديال الفران
للاسف البابيي كويسون كان منو غير شوية حطيتو على قد الحوت تحت منها واحتفظت بشويه غطيتها بيه باش ماتقيسش الالمنيوم
نغطيوها بالبابيي كويسون تم الالمنيوم مزيااان وندخلوها للفران
احنا صيفطناها للفران ديال الزنقة
نجيو للصلصة
نحطو الكريم الفريش مع الكروفيت والكلامار مسلوقين
والشومبينيون طري مقطع ونحطهوم فالتلاجة ونخليوهم بين ماوجدات لينا الحوتة باش ينسجم المداق
من بعد نديروها على عافية مهيلة وحنا كنحركو مره مره ونضيفو اي حاجة بغينا نسمو بيها
ملي توجد الحوتة من الفران كنزولو ليها القشرة الفوقانية للاسف ماصورتش هاد المرحلة ونحطوها فصحن التقديم
ونخويو عليها لاصوص
رد مع اقتباس
