احتاج مساعدتكم
السلام عليكم اصدقائي وصديقاتي يارب تكونون بخير
اني عندي مشكلة شخصية ومعقدة شويه اتمنى تساعدوني بيها، واني حاولت بكل الطرق اتخلص منها وما كدرت قريت هواي مواضيع تخصها وطرق علاجها وماكو فائدة .
مشكلتي هي الخجل الشديد وضعف بشخصية قليلا ، اني ماجنت هيج بس اعتقد السبب هو رسوبي بصفي اني طالبة اعدادية رسوبي بصفي غير بي هواي اشياء وطبعا كلام اهلي القاسي يعني ليش ما نجحتي شنو بس انتي وحد هاي الطالبات وياج كلهن نجحن، وايضا هم كلام المدرسات اكيد ميقصرن بكلامهن الجارح والمؤذي ليش مو زينه وليش هيج درجاتج وليش وليش وكلامهن كله كدام الطالبات وانتي راسبه ومن العام وماعرف شنو خلن نظرات الطالبات هم تختلف اتجاهي صارت نظراتهن نظرات انتقاد.
بس والله العظيم اني جان مستواي زين يعني انجح بس بسبب هذا الكلام ما اكدر اقره بعد مالي واهس افتح الكتاب اصلا من كد ما افكر بالكلام جرحني حيل دوم اذكره وابجي يعني ليش كلها هيج وياي شنو الخطأ السويته ليش محد يشجعني ليش محد واكف وياي.
واني هسه كل الافكر بي هو الزواج بس علمود اترك المدرسة حتى اخلص من كلام اهلي والمدرسات ونظرات الطالبات والله راح اموت ومحد يحس بي محد يخاف علي والله حرام.
اني جديدة ع المنتدى وعجبني هذا القسم وحبيت اشارك بي ياريت تساعدوني واني جدا اسفة ع الاطالة
رد مع اقتباس
