تصلي لله من غبشة
وتشتم بالظهر جارك!..
وتگلي الدين حب وخير
وتِدگ بعيوني بسمارك..
تذبح ناس عَل القبلة !..
لأن ما رِضت بأفكارك ..
ناس بكيفك يطبون
(للجنة )
وتظن النار هم نارك..
مرتد وجهنم ثوب تگّعدًلة؟!
اليحب الله أعل كد عقلة!
البّنية التحّط كحلة!
كلمن گال
لتخافون
ترة بنص الگبور العيشة هم سهلة؟!
كلمن رافض أسلافة وتراثة وحيرتّة وأصّلة!..
اليبدّل خشب تابوتة
بخشب رحّلة..
والترفض حجاب يصّد هوى الگذلة!
للنار وجهنم صعبة تشفعّلة!؟
تشرّع السما بكيفك!..
وبراسي سجد سيفك!..
بشتاك أنّدگ مثل بسمار بالحيطان
وتمردّني غصن رمان
لمن تعطش بصيفك..
شَسّويلك..
يل عندك حرام أُنشم عطر للناس
بس تتّمنة تشربّني بمنّاديلك..
تخاف تلم گصايب چانت معرسات
بس عادي تلم الروس بشّليلك!؟..
من تخاف من ظلمة شتا الايام
تِدوّر روس تحرگّها وتضّويلك..
تگلي الدين حر وطير لأقرب غيم
وبعدها بظهري تحفر دم زناجيلك!..
الشاعر ادهم عادل
رد مع اقتباس
المشاركة الأصلية كتبت بواسطة *جوهره الجنوب*
