مرحباااا
اكله عراقيه ترغبها اكثر العوائل
وهي السمك المطبك على التمن
سويتها اليوم .. اليكم الطريقه مع الصور
الحشوة :
كرفس
بصل
ثوم
كشمش
بهارات منوعه
الطريقه
نقطع البصل ونحمرة بشويه زيت بعدها نضيفلها حبات الثوم المقطعه
والكشمش .. بعدها نضيفله الكرفس المثروم
والبهارات انواع .. حتى دارسين ضفتله حتى ريحته تصير روووعه
وهذا شكل الحشوة عالنار :::
نجي للسمك بعد تقطيعه نتبله قبل ساعات تقريبا بشويه ملح وبهارات وحامض حتى يمتص الطعم
وبعدها نحمرة على النار .. الى ان يستوي
وطبعا احنا قبلها طابخين التمن واللون حسب رغبه العائله
اكو يرغبوله احمر .. اني سويته اليوم اصفر
نملي الماعون تمن .. وبعدها نخلي قطع السمك وعلى كل قطعه نضيف الحشوة
وهوايه يرغبوله وي عدة صلصات ..احنا نحبه وي الحامض
طعمه رهيب ..
والف عافيه
تحياتي
رد مع اقتباس
