آه يبزر الغانمة وطكَـ الرصاص
الرآي رآي الريح لو رف العلم
أنت ابو هاشم ابو الطكَـ الثكَيل
حيل توجع طكَتك چن بيه سَمْ
كَالوا من الذبح ثوبك بيّ حَمار
هوة المعزب نشوف بثوبه دَمْ
اليعرفلها مايحط ابابه صوف
لا يدلّي الذيب اكو هنانه غنم
هيه فزعة المايكظ ايدك يطيح
المايكتله الدوس خيكتلة الندم
لاتهم بـ أولاد عمك لو جفوك
التفكَـ وكت الطلابة أولاد عم
بديرة الوادمها افاعي .. عيش طير
يكظي عمره تختل الماعنده سَمْ
الماله عرفه يكَول وجه البر رخيص
وهية فطنة وشامت البر الخيم
انا اعرفك ماتفوج الة بغميج
الجرف لأهل الجرف يابو الشيم
الفيظ الماي عالضنه يلاوي ديّك
عمي متوهم ترة السيد بلم
عناد بيك يلوكلي وغيظك لذيذ
لا عندك لا ماصارت نعم
اجفي وارحل عطرك يدليني بيك
الورده ماتذبل اذا نسكَيها شَمْ
عفية خلكَك ماترس بالك رعيع
الجرح مال اعزاز اعرفه من الألم
ابقى ساكت فعلك يأشر عليك
صرخة الدخان سالوفة فحم
حكَهم يكرهوك ماصاير رخيص
هاي وادم تكره المابي دسم
صير شط حتى اليجوّك يدنكَوّن
ابقى ناصي بس شرط طولك سهم
وعيش مر الكَهوة اذا مو مرة عييب
الشوك لو ما بالورد جا ماسلم
موش تسكت لو حجوا عنك صغير
اصغر من كلشي بس يحجي القلم
رد مع اقتباس
المشاركة الأصلية كتبت بواسطة ضياء الصافي
