هلاهل النسوان تعلو والشباب ترقص
قلت لامي منو المعرس قالت بيت فلان بتهم اليوم عرسهه
قلت مين الهم بنية جبيرة؟
قالت شبيك زينب الى بكد محمد !
محمد ابن اخوي يعني عمرهه ١٠سنوات؟
اي
عجيب !
ليش انت شايفهه صايرة مرة؟
ها الف مبروك!
ولم تمر الا اربعين يوم حتى علت الاصوت مرة اخرى ولكن هاي المرة اصوات محزنة ها شكو
فلانة طلقت!
هنا السؤال
من يتحمل المسؤولية؟
الحكومة؟
لو اهلهه الي في اعتقادهم ثقل على ظهورهم ؟!
لو رجال الدين لي غسلوا عقول المجتمع ان عائشة و فاطمة(ع) تزوجن وعمرهن ٩سنوات؟
مو الحكومه ومو رجال الدين الي يحمل المسؤليه
الاهل وعقليتهم
ههههه سيناريو متوقع قبل ما اكمل المنشور
المهم زمن (عائشه وفاطمه رضي الله عنهن) مو مثل زمن هسه
رجل الدين لازم فتاوهم تتائقلم مع المكان والزمان المناسب
تحياتي شكرا على الطرح المميز
التعديل الأخير تم بواسطة بركان حبك ياعلي ; 28/February/2016 الساعة 3:02 pm السبب: شكرا كانت سكرا
الاهل طبعاً والحكومه لان ما عدنا حمايه اجتماعيه والله ما ادري شكول ها لمجتمع ضال يرجع للخلف يوم عن يوم أخلاقيا وإنسانيا ودينيا شكرا عالطرح
السبب يتحمله الجميع
اولا الحكومه بسبب العجز كل عائله عدهه اربع وخمس بنات والاب عالراتب التقاعد والمشكله الاكبر كطعوا الرواتب
ثانيا الاهل من يزوجوهن الشخص اكبر منهم واكثر المرات الشخص مزوج مقابل القليل من الاموال
ثالثا رجال الدين من يعقد الطفله ما يضل ضميره ايلومه شلون بالليل اينام وايحط راسه عالمخده
رابعا واخيرا المحكمه شلون رضت تعقد الطفله وشلون رضت اتطلكهه
والله الواقع النعيش بيه مال البنيه تنتحر وتخلص لان صارت سلعه تنباع وتنشري
عذرا للاطاله لان جسمي تقشعر من القصه
الكل مسؤول مع تحياتي لكمالمشاركة الأصلية كتبت بواسطة بنت الحشد
صدقت في تحليلك الواقعي
اسعدني مروك حبي احسنت ان الزمان والمكان لهم دورا كبير في عملية الاستنباط
رجال الدين مالهم علاقه
هذا تفكير الناس وعقليتهم
هم الي يقررون مرات صح ومرات خطأ
....
والاهل من يفكرون خطأ وين دور الاقارب الجيران
المجمتع كحد اقصى وينهم
لو هم مايشوفون الخطأ؟..؟
شكرا لك على الموضوع الي بحاجه ان يطرح في مجتمعنا
مع تحياتي لكم
والى ارائكم اني اعتقد المسؤول الاول هم رجال الدين لان هم من ثقف المجتمع على زواج المبكر وهم من يعقد لهم
من ثم اهل من ثم الحكومة
رد مع اقتباس