المشاركة الأصلية كتبت بواسطة عدنان الواثق
طبعا اني مسولفها قبل بس بالاعاده افاده ..وبصراحه مطبوعه بدماغي ولاانسى هذاك الموقف ابد ..لان هي حقيقيه وحدثت معي شخصيا..هاي لمن جنت اصغير رحنه تسيوره على اقرباء النه بالريف وطبعا الوالده ظلت وي حبايبها اتسولف ومندمجات واني الوفح ماشايف شي افتر هنا واروح غاد ساعه اركض ورى البزازين وساعه اركض ورى الجلاب وهن طبعا ماخذاتني بعين الصغيره وجان قريبين مني كرايبنه فمؤمن المهم لكيت خمله وامي ملتهيه وسجيت على المزرعه القريبه كان زارعين رقي وظليت اتبطلش بالجور اصعد وانزل وخيلت على ركيه تقريبا بطولي كول كطعتها وظليت اسحل بيها ومن نزلت بالجوره ماحسيت الا حماة المزرعه مطوقيني وكله من هاي السود الي تعجبك وهوهو هو وماهو واني يبست بدمي لاحرك يمنى ولايسرى كللي كضيناك شسوي عدوني بمزرعتنا اليوم الا انسويك خرايط بعد جلاب ريف وماتتفاهم ومانجلت الغبره الا انه فاقد وربك اجتني فرق الانقاذ وخلصوني الله لايرويكم هذاك المشهد ومن انتبهت جني جاي من الاسر اتلكوني لا ياملعون شوداك ولك احنه كبار مانطب هناك شلون الخضراء هسهحمد الله عل السلامه
عليج وعلى كل اهلنا الطيبين