ها يالمسعدة
ها يالمسعدة حنيتي للجية
وحسب ما اعتقد جنتي أسعد بنية
يمكن ماتوالمتي بطبع طبعين
وتذكرتي الأطباع الأمس بيــه
مدري شلون جنت انخل نوايه الناس
وأفرزهن فرز مو نية لو نية
وجنت الزم الجذبة من النفس مرات
بس وياج أحس جذبتج صدكَية
ولو تدرين من عفتيني هم ضليت
غشيمة تخايلج محتاجة حنية
كَلت خاف انتي ماتتراهمين وياه
رحت علمته طبعي وكل معانيه
كَتله وياها سوّي سوالفي ومعليك
واضمنلك تعيش ايام وردية
عيشلها مثل ما آنا عشتلها
وكَول اسم الله من تفتح جدايلها
أجتك صافية وتلمع كَفة وكَدام
وهنيالة بوكتنة اللكَة النثية الخام
صيرلها انت واهس موش بس وهواس
وآنا موصيها تلبسلك عباية ياس
واذا حسيت جفك بده يتعبها
لتلح عود الزم بس اصابعها
ومن رديت ذيج الساعة ذاك اليوم
طويت سوالفج وانتهت ها هيه
هسه شعجب متذكرة الجرف والطين
ومناغه العصار وياسنه وفيّه
لازم ماطلع كَد الأزماط وطاح
مالاحته حرورة ويبس برحيه
وطلعت عشرتة مو مثل طير وطير
من تزاعلون تموت فختيه
رجعتيلي ... رجعتيلي وجنت تارس هدومج صيت
العبي تتباهه من تمشي وي خاجيه
وحكَـ ذاك الهوى الأصلي الشتميتي
من طلعتة الج بمرافس الريّه
الج وجعة على وجعة مخيطات خياط
شكثر جروهن وما هزلن شوية
بس العين .. بس العين الج مزدودة قبل الباب
المثلج من يرد محسوبة من نيه
بس العين الج مزدودة قبل الباب
المثلج من يرد محسوبة من نيه
رد مع اقتباس
المشاركة الأصلية كتبت بواسطة *R.F.A*
