آنه ذابل بالربيع وصوفر بخد خدي ياس
آنه واحد باع روحه واشتراله شويه ناس
آنه ابن ذاك الخضار
آنه ابنها لريحة امي
آنه ابن ذيج النداوه
العيروها ابنج غريب
نرفست بزاغور ذچري وكالت وليدي چريب
انه اهيسه بنص حضنتي
آنه اشوفه بكل درابين المحله
انه اشوفه بعين كل بت طكت ويوميه تحلى
هو مامش واني امش !
هو تابوتي ونعش !
لا ييمه اسم الله بيج
شما بعد وجهي اعله وجهج آنه هم راجع عليج
وين اروح ؟
الدنيا تل من الفهاوه وانتِ هورشتيني زاد
وين اروح ؟
ام كحله حديثه ارد اشمج يانبيه الشوك زاد
رغم كل الراحه يمي
لاچن الهجران يعمي
شما اشوف أطويره تنشغ اصرخ واركض وراها هلا ولله أحبيبة أمي
رد مع اقتباس
المشاركة الأصلية كتبت بواسطة *جوهرة الجنوب*
