السلام عليكم
الصوره تتكلم عن القصيده ... بقلمي
اذا احببت شخصا الى حد الجنون فاعلم ان شخصا اخر قبلك جن عليك وهي امك ...
حب الام لابنها يتجاوز اي حب اخر ... واقع امراه عراقيه فقدت ابنها فتنعى عليه كل يوم تقول :
يا يمه افزا بالحلم ....... واقع ابروحي مكاسر
معجون نبضي وي الفكد .....
وبشكلي ااكسر خاطر
يمه اغص بلماي بغيابك صفيت
شكد اناشق بالحنين شكد بجيت
همك بريتي بجي ايعبيلي
حته صوت الباب ضل يوحيلي
وكولن بلجن ابهل الدكه اجيت
يا يمه روحي بفركتك ... بين الكسر بين الجبر
مكروبه من همك بعد ... عايزها خشبات وكبر
متروسه ليل وي الهجر
ما شافت خيوط الفجر
ما تسمح اتردها بعذر
حال القوافي وي الشعر
مو خرسه وتحجي الخرس ... بالسكته يطلع صوت
يمه مشتهيه بكبر يجمعني بيك
يمه احس الليل خنكــــه ... وجن اشم انفاسه موت
بقلـــــ شخصيه عراقيه ــــــمي
2016.2.10 الساعه 7:00
رد مع اقتباس
المشاركة الأصلية كتبت بواسطة *جوهره الجنوب*
