شعر شعبي عراقي على النستله 2016 , نستلتي .. نستلتي
إضغط على مفتاح Ctrl+S لحفظ الصفحة على حاسوبك أو شاهد هذا الموضوع
شعر شعبي عراقي على النستله 2016
نستلتي نستلتي .... فيها أسدُ جوعتي
..........................................
يانستله التنقذ شعب ؟؟
شو كلهه ميته امن التعب ؟؟
جوع او فكَر بينه لعب
والظيم مارد جَبدِتي
نستلتي ... نستلتي
........................
يا نستله إسِد الجوع
فهمني هذا الموضوع
مو كافي خلصنه ادموع
راح انه اضل ابحسرتي
نستلتي ... نستلتي
........................
اعليهه الجهال اتعودت
وجيوبي منه اتمرعدت
والمره منهه اتعقدت
واشتكت حته العمتي
نستلتي .... نستلتي
الآن
علي الشمري
2016/2/23
التعديل الأخير تم بواسطة علي الشمري ; 24/February/2016 الساعة 10:07 pm السبب: تعديل بسيط
ههههههه.
هاي عندك شركة ما نستله..وتسويلها دعايه
عاشت نستلتك وقلمك
انته مو انته وانته جعان خذلك سنيكرز
الف شكر على القصيدة أبو حسين
نورتني ضوهالمشاركة الأصلية كتبت بواسطة ضياء الصافي
ههههههه.
هاي عندك شركة ما نستله..وتسويلها دعايه
تدخل وياي شريك بالنص
ههههههههههههه
عاشـت ايدگ
اكــون نـوع اسمه روكسـي هـم يدخـل ضمـن الاطـار
نورتني خاليعاشت نستلتك وقلمك
انته مو انته وانته جعان خذلك سنيكرز
الف شكر على القصيدة أبو حسين
هيه هاي السنيكرز هم نستله !
لكَ اجمل التحايا واعذبها
روكسي شنو هذا انوبه !!ههههههههههههه
عاشـت ايدگ
اكــون نـوع اسمه روكسـي هـم يدخـل ضمـن الاطـار
شكرا لروعة تواجدكِ
لكِ ارق التحايا
اي ادخل وياك بروح الزاير
..ونسوي دعاية نستلة الضمير غذاء الصغير..قصدي الزغيرون
هههههههه حلوووو
تخبببل
بس ليش ما خليت نستلة كيندر اخاف تزعل علينه
تقييمي
رد مع اقتباس