جديد الشاعر باسم البديري - غيمة صدك 2016
قصيدة غيمة صدك - الشاعر باسم البديري (مكتوبة)
شمس تضحك نجوم تغيب
أفز والكَة حلم بايت يناديني
يهل بطران وين تريد تسكَيني
لاغيمة صدك تمطر واشوفك من تجي مبلل
ولا واهس يخيم بيك
النوارس من بعد حظن الجرف تنذل
ياكَلبي .. ياكَلبي شبعد خلكك يصعبون وترد تسهل
تاخذني الظنون وأرجع بلا رآي
ويم نهر الفرح عطشان أرد واخجل
چم خيمة سوالف جر وتدها فراكَـ
وافر روحي عالخيط الندم والياحيف حد مادوخ واتبهذل
وأدورهم .. وأدورهم وأخم الروح
وأشوفن للصدك بس باب واجذب كل حجي المغزل
لابعت وشريت الكَال
ولا لوتت أذنبي بالحچي المغشوش
مدري شبيه .. مدري شبيه صدكت بوجوه أوكاح
كَبل لا أرضي روحي چنت أرآضيهم
يتيهون الشمس جانوا وأدليهم
الضوه البيه ترسهم رآي
ومن بعيد انطي دموعي واهس غيم
لو واحدهم تلهف ندى لملكَاي
لو خنكَتهم الفركَة وحچي الشمات
أسرسح عليهم خلكَـ غابة فياي
ومن يحجون بنيّة حطب وياي
اسيرلهم كَصب متعوب
وأصيرلهم بكل عثرة خلك سالوفة مالت ناي
ظل وياي يا آخر صدكَـ بالروح ظل وياي
أوديلك طيوف ودمعتي مظهوم
عسى منك تجيني برآي
فكدتك حييل يا آخر صدك بالروح ظل وياي
مادام الحزن والليل باقين
أنت ظل وياي
للتحميل mp3 من هنا
رد مع اقتباس
المشاركة الأصلية كتبت بواسطة ضياء الصافي
