هنا

[بنت البصرة]

السلام عليكم


ومضات
شعر
ابوذيه
دارمي
زعل × زعل
منقول



من تزعل ...

أحس الكون زعلان

وعيون الشمس ما بيهه أي ومضه

ومن تزعل ...

تون كل العصافير

ويكوم الحزن من عدهه يتشظه

يا نبع الورد ...

يا دمع آه و آه

يا دجله و فرات بطوله و
بعرضه

[بنت البصرة]

مايسوه الزعل راضيني مو مليت
على كولت اهلنه الدنيا خلصانه

[بنت البصرة]

تدري الزعل وياك كلش احبه
جَـى بعد المراضات اخذلي حبه

[غسان الكرعاوي]

من كد ما حفظتك درس عالغيب
كمت كلما اشوفك ارفع ايدي

[بنت البصرة]

اهلا اخي
نورت...
ارجو تغير العنوان الى ومضات شعريه .....زعل

[Mohammed Jumah]

صح مني الزعل .. مابيك كل صوج
واحاسب روحي ..لان كلبك جرحته
تعال وخل نشد .. حبل المواعيد
حيل تندمت .. لمن كطعته
كتلك عوفني .. كل قصدي الاشيك
كلت الحب حلو .. تونس زعلته
ما اصورك .. منتظر هاي
بوجهي الباب .. شو رأسا قفلته
اعتبرني بهاي جاهل .. جنت احاجيك
وطفل غلطان .. ما تغفر غلطته ..؟
كمر وجهك تعال .. وضيع الليل
وخلي الليل .. يرجف من طلعته
ترهملي انت بس .. وارهم عليك
ومايسوى الزعل .. شكك صفحته
اعتذرلك هسه جيت .. وكون ما جيت
وعساني لبابكم .. لا ما وصلته

[لورا]

اصد وازعل وادير العين طبعاً
لأن لجمات الك بالكلب طبعاً
حلو بكل شي لاجن بيك طبعين
تزعلني وتذب الصوج بية

[بنت البصرة]

منورين احبائي

مستمرين والموضوع متجدد


زعلتك صدك .. بس والله ما مقصــــود
شكلك شعتذرلك.. قصرت ويــــــــــــــاك
جرحتك يا ترف انه شكثر خــــجـــــلان
انت القدرت جرحـــــــي وعـــشت وياي
انت النشفت دمعي وصرتلي احضـــــان
انت الغيرتني ورجـــــعتلي الشـــــــوك
وانت الفتحت كلبك الي بســــــــتـــــان
زعلتك صدك .. بس والله ما مقصــــود
صح مني الغلط وانه اعترف غلطـــــان
صح نغلـــط نعم لكن نسامـــــــــح دوم
يضل طيب الكلب موجود بالوجــــدان
سامحني بكيانك من حنان البيـــــــــك
لا تضحك جذب وبداخلك زعـــــــلان
اجيتك اعتذرلك وانه ما معصـــــــوم
شسويله الغلط مكتوب ع الانســــــــان
الف اسف والف مره اعتذر كل يوم
ندمان شكثر يا خيبت الندمــــــــــان
ما استاهلك وانت مـَــلــَــك مخلوق
ما استاهلك وانت نبع ريحـــــــان
اخذ من عندي حقك اخذه خل ارتاح
وهاذ انه ابعدت ساكن الاحزان
عذبني الضمير الماينام بليـــــــــل

ما اكدر اغمض واتركك زعـــلان
عمت عيني وجرحتك وانت حب اتفيض
يا قســــــــــوة كليبي الوجتك نيــــران

اكولن سر الك وارجوك لا تحجيه
( بجيت هواي انه الخاطرك يفلان )
بجيت وعيني مطرت والله زخ ادموع
مو عين اصبحت جنهه شهر نيسان
ما ريدك تسامح وانه ما معـــــذور
ولا املك عذر عذبني يا ســـلطان
بس اعرف احبك وانضر العيناك
بعد شلون انضرلك وانه الخجلان

[بنت البصرة]

ضيعت عمري عليك تزعل واراضيك بكلبي وعليه زعلان جا وين اخليك

[لورا]

مو كافي الزعل خل نرجع احباب
وخلي الشوك يرسم دربه بينه
يغالي العمر بعدك صعب خضناه
وصفت روحي بعد هجرك حزينه
اريدك دوم الي مو يوم وتروح
واريدك مرة بس تسمع حجينه
انا العاشك وانا الولهان بهواك
صرت شبه البحر ما بي سفينه
تعال الروح تصرخ بسمك هواي
تعال الكاع رجفت من بجينه
اذا ما جيت صدك كلبي ميعيش
وصل للموت من شوكه وحنينه
يغالي العمر خلص وانته زعلان
ولك حتى الكبر بين علينه