دارميات راقت لي 2016 الجزء الثاني
يقول الشاعر
وصلني دارمي من احد الشباب يشكو من العين
يقول-----
صاير طبع بلعين تنسه اليبعدون*
بس انه ماانساك لو تعمه العيون*
************
يقول اجبته
صاير طبع بلعين ماتبجي بس دم*
هذا الطبع مو زين خاف اتعلــــم*
*************
صايرطبع بلعين مـاتحمل افـــراگ*
هذا الطبع موزين كـل ساعه تشتاگ*
*************
صاير طبع بلـــعين كــلش وكــيحه*
انصحه ماترضاش تـــاخــذ نــصيحه*
************
صاير طبع بلعين تبـــجي على كلشي*
امجلبه ببـــن الناس ماترضه تمشـي*
***********
صاير طبع بلعين كـلش جـشـع حـــيل*
تذكر الـمحـبوب وتــــفگده بـلـيــــل*
*************
صاير طبع بلعــين مــــاذيني كــــلش*
تگـعدني نــص الـلـيل وبراسي املش*
*************
صاير طبع بلعين مــكـروهه مـــوعين*
تــضحك جــذب وتــبيع دمعـتها بدين*
***********
صاير طبع بلعين مــاتـرضـــه تنـساك*
بلـكت تــمر فـد يـــوم تاخذها ويــاك*
************
صاير طبع بلعين طــــبع الــــيتامـــه*
12 ســـاعه اللـــيل من كـــون انامـه*
************
صايـر طبع بلــعين مو طبــــع طـبـعين*
عللعدل ولـــــمات تـبجي عــللثنيـــن*
*************
اهوايـــه عدهـا اطــباع كـــلش جـثيـره*
بس الـــتنوح اعـــليه مـاعنـــده غيـــره*
*******
تحياتي
*************
منقول للأمانه
رد مع اقتباس
المشاركة الأصلية كتبت بواسطة *جوهره الجنوب*
