هنا

[غسان الكرعاوي]

يملــك المـوت عينـك هلبــت تمــوت
وتشوف المـــوت مابيـــن اليموتـــــون

وبعينـــك تـبــاوع دمعـــــة النـــــاس
وصعب لــــو فاركَــت ناس اليعـــزون

تشوف امك وابـــوك بيـــوم الفـــراكَ
يلبســــونك جلــدهــــم مــــن يكفنــــون

ويم المغتسل لــــو ولـــدك اتشــــوف
بدمــع العيــن جسمــك مــن يغسـلـــون

وتباوع علـــى اختـــك ساعــــــــة الليل
تشيــــل اجبال بيهــــــه ادكَ المتــــــون

اسـئـلـك هـــم تـــرد وتمــــوت الناس
وتــــــرد وتـهيـــــج اهات اليــــــودون

اضنــــك تكـتـــــل الأهات والنــــوح
وتمـوت بيـــــدك دمـــــوع اليحبــــــون

شسولف وانـــه همـــي يهــــد الجبال
ودمـــوعي مـــن اهدهن يغـركَ الكــــون

مـفـاركَ وادري المفاركَهـــم اعــــزاز
وصورهــــم باقيــــه ما بيـــن الجفــــون

اخاف ابجــي وصورهـــم تنزل دموع
لذالـــك دمعــــي كَـام اليبجـــي العيــــون

اباوع عالجنـايــــــز كـلهـــــــه شبـان
الكفن بدلـة عــــرس كَامــــو يلبســـــون

والتابـــــوت الهـــم غرفـــة اخــشـاب
وعروستهــم كَبــرهــم مــن يدخلـــــــون

[بنت البصرة]

تسلم اخونا على هذه الصورة الشعريه الحلوة والمعبره

[شاكر العتابي]

شكرا اخي غسان .. شعر مؤلم

[برجيل]

عاشت ايدك اخي
كلمات غايه في العمق والقوه والشفافيه في نفس الوقت
الصراحه ماكدرت الزم دموعي واني اقراها
الله لايحرمنا من ابداعاتك
تحياتي

[سئمت الانتظار]

اشكرررررا يامبدع على الصوره

مع الشعر الرهيــــــــــــــــــــ ــــــب

[لورا]

شسولف وانـــه همـــي يهــــد الجبال
ودمـــوعي مـــن اهدهن يغـركَ الكــــون

مـفـاركَ وادري المفاركَهـــم اعــــزاز
وصورهــــم باقيــــه ما بيـــن الجفــــون

اخاف ابجــي وصورهـــم تنزل دموع
لذالـــك دمعــــي كَـام اليبجـــي العيــــون
عاشت ايدك تحياتي

[غسان الكرعاوي]

روعه يا لورا شكرا للمرور

[غسان الكرعاوي]

اشكرك اختي العزيزه شكرا لمرورك

[غسان الكرعاوي]

بعض مما لديكم شكرا اخي على المرور

[غسان الكرعاوي]

الله لا ينزل دمعك مره ثانيه يا صاحب الاحساس الراقي شكرا لمرورك