درر العراق

† ذلفاء † · 16/February/2016

ما أعددت نفسي لهذا أبداً
وين أودّيك؟
چنها ليلة عيد جيتك..
چنها صبحية عرايس،
رنة هاون من بعيد
تلوهني العشگ.. وتْلْوهت بيك
چا وين أودّيك؟
وين أوديك ومسافة ليل عمري
وانته ألف نهار يمرح بيك
فريضة صوم عشگك
وآنه صايم
چا يمته اعيِّد بيك؟
وين أودّيك..
يل همزة وصل خصرك
يل جمّارنا يغار ويباريك
اجيت بغفلة الأيام
وين الگه عمر وسنين تفديك
چا وين اودّيك؟
...وين أودّيك..
وانته غيمة مستحه وشيمة احباب
وآنه خشبة باب
الله..
الله يا حيرتي..
شگد بيها روحي حزن وشگد فرح بيك
چا وين اودّيك؟
وين اودّيك، وآنه شباچ وحچي
وانته خواف وتحاسب عَ الكلام
اطمئن ما راح أگل للناس احبك
بس راح أگلهم
آنه احبك والإمام!