جنت آنه الحبيب الما يهزة الكون
واحد هسّه هزة شلون فهمني
تمشي كبالي تضحك منشرح وياه
ما عندك قصد كل قصدك تغثني
مو صوجك ابد لا بيه كل الصوج
كلبي بهالمواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وكلبك ما يدك فد يوم صدكنّي
وما تعرف بعد محبوب مثلي تجيب منين
واذا واحد يصح لك مثلي عاتبني
سنين احبك تالي هذا الصار
طول المده وانت بحبي خادعني
آنه اتكنّسلت هذا الغشيم شلون
اذا ما عفته بعد اسبوع خابرني
رد مع اقتباس
المشاركة الأصلية كتبت بواسطة *جوهره الجنوب*
