السمبوسة، أكلة أشبه بما يعرف محليا بالبورك، تنفرد محافظة البصرة بصناعتها، نظرا للتنوع الانساني الذي شهدته المحافظة ايام ازدهار التجارة البحرية ورسو السفن والبواخر متعددة الجنسيات على ضفاف شط العرب لتفريغ حمولتها من البضائع، هذه الاكلة ورغم بساطتها تشهد اقبالا كبيرا من البصريين.
ويقول صاحب معمل سمبوسة: "السمبوسة جابوهه الهنود يعني من جانو يجون للميناء هنانه بالبواخر وهاي صارت حرفة عند الناس هنا تعلمتهه الناس كامت تشتغل بيهه، السمبوسة يعني بس بالبصرة متواجدة السمبوسة يعني باقي المحافظات ميعرفونهه".
ويضيف مواطن: "السمبوسة اكلة خفيفة دائما يعني العائلة دائما تفضلهه بالليل خفيفة نسوي لفات ناخذ سفري يعني احسن من هاي الهوسة هاي الكباب مندري اللحك شنو يعني هاي كدامك بعض الاحيان".
لإعداد السمبوسة طرق ومكونات تختلف بحسب رغبة بائعها أو صانعيها داخل المنازل .
ويقول بائع سمبوسة: "الاقبال عليهه عدهم الريوك الغده العشة اكثر شي سمبوسة ياكلون سمبوسة السمبوسة انواع بيهه سمبوسة بالخضار وباللحم وبالتبيتة بالجبن".
وعندما تتجول في اسواق البصرة تكاد تعتقد بأن السمبوسة باتت الى جانب نظيرتها الفلافل اكلة للفقراء، نظرا لزهادة اسعارها وبساطة مكوناتها.
رد مع اقتباس
المشاركة الأصلية كتبت بواسطة نجمة النجوم
