مو لعبة وعبالك بدوسة تنهي الداس
من تخلص لعبتي ادوس عالتالـــــــي
شوف التالي هسة وشوف بيك شصار
تتوســل اســمــعك حتى تـــــقرالـــي
وآنه الخلصان كَلبي ومو بس خلصان
من حـوكَ الســوالف حايــــك إزوالـــي
تغلط .. تعتذر .... مليت الموال
كافي وخل اسـمعك مـرة مـــوالــــي
شفتك تغرك انته ومارميت إحبـال
أدري اول متطلع تكَطع إحـــبــالــــي
ماريدك بعد تحلم اسولف بيـــك
وعلى امثالك چذب ما اضـرب امــثالي
يكلي أصبر..ولك شأصبر
اخاف من الصبر أكفر..
جسر والناس عبرتني
بس انه حرام اعبر..
اريد احجي حجي المجروح
وادري حجايتي تعور..
وينة المايخون الزاد؟
او وينة الوفي المايغدر؟..
فتت سوك الوفه وياحيف
لكيته معزل ويصفر ..
ما مرتاح طبعاً والحچي مايفيد
وبعد ما ظل صبر كافي الصبرته
بالحب تختلف مااختلف وياك
بس عوض گلب مني الاخذته
مليت انتظر باچر تجي وما جاي
عگب باچر اجه وما جيت انته ؟
واسهر والسهر ريشه ابمهب الريح
واحس حتى الگمر عاتبني سكته
وگلي اشحصلت من عمري ذاك الفات
اذا نص العمر لجلك سهرته
واذا بيه الذنب فهمني خل ارتاح
واذا بيك الذنب رغماً قبلته
يحسدونه شكثر حسبونه عالعشاگ
ويگلولي شكثر من عدنه بگته
وگتلهم چذب بس بالأسم محبوب
ومتندم على يوم العرفَته
لأن طبع اليحب معروف عند الناس
صافن والحچي كله ابصفنته
وانته لا تحن لا مثلي هم تشتاگ
وقانون العشگ وحدك عزفته
موهيچ اليحب گلب اليحب ولهان
ولا گلب اليحب هم هيچ دگته
كل ساعه احترگ طافيني دمع العين
وترجع حضرتك ثاني وشعلته
ومثل عالم صرت بس تخترع الاعذار
ولعلمك نعم هسه افتهمته
بستانك حزن منه جنيت اهموم
ماجاني الفرح لايوم ضگته
كافي بطلت رجعلي گلبي النوب
مااريد العشگ ماعندي بخته
وباچر لا تجي ودّگ على الباب
مفتاحك لأن اصلاً كسرته
وتتندم علي تحلم تردلي بيوم
وخط رجعه چذب سولفهه نكته
وازيدك بالشعر بيتين مو بس بيت
البومك للصور بيدي حرگته
ورسمك لو طفل والعين امه اتصير
من عيني بعد صدگ فطمته !!!
وخسران اعترف والحب تجاره صار
وبايع مشتري كل شي خسرته
بس ابقه القلم وانته الورق جوّاي
وبكيفي الاريده والشطبته
يا قلم اكتب قصيده من دموع العين
واذا شح الدمع دمّي قوافيها
واحذر يا قلم ليخونك التعبير
ويغلط الما عرف يقره معانيها
بله اكتب كلامي بشوك للغالين
تره حقها النفس تذكر غواليها
نورت المدونه بحضورك الرائعالمشاركة الأصلية كتبت بواسطة ابو مهدي الكربلائي
مالت وخلهة تميل جاشلي بيهة
دنية وراهة احساب من تف عليهة
ارد الشاعر عليه......
مامالت ومتميل ولدنية زينة
بس احنة موزينين من تف علينة
انا الوكته غفل وبليل جاماه
وحطه بنكرة التنور جاماه
شفتني تلوج بيه النار جاماه
اجيت ولحكت عالضال بيه
تعبت من السهر والسهر هم تعبان
گلي شوكت يخلص ياترف ليلك
شعلت النار بيــه وجيت أطفي النار
رجعت أنته إشعلتها تريد أضوّيلك
عشگتك لاتذلني . إحسبها زين أرجوك
ماريد آني أظل لوحدي أضحيلك
ماريد أبني لأجلك كعبة جوّه الروح
أخاف أبنيها تالي تهد عليّ فيلك
ألوليلك چنت وبگلبي أنومك دوم
ومن تبچي إصِبْعي يصير منديلك
عضيت أنته إصبعي أمسح دمعتك بيش
وگليبي الي رته إبيش ألوليلك
أضحكك وأبچي لأجلك وأعطش وأرويك
وأهدم حيلي بيدي لو رگد حيلك
گتلك هاك جدمي تعينك بممشاك
لوأنطيني لشـّـتك وآني المشيلك
وأخذت جدامي أنت توصلك للريل
لكن شفتك تذبهن تحت ريلك
أحترگ گلب القطار وشفته ذبّ دخـّـان
من داس إعلى رجلي وصاح : ياويلك
سحگها گبالك وشفتك علي صديت
موخوفاً عليّ رايدني أشكيلك
لكن ماشكيت متاني بس تعود
بس أرجع . تعال . برمشي أسريلك
وأذا دمعي حرگ رمشي وبعد ميفيد
فدوّه ولايهمك عود أحبيلك
نحيل اصبحت من فركاك بس نوح
وكظي الليل كله عليك بس نوح
اليشيل الحمل عني ايجوز بس نوح
اذا جاب السفينه وفزع ليه
اضل اللكط بعشك عود ويعود
لما يلتفت ربك علي ويعود
مثل حال اليغيب سنين ويعود
لهله هيج انه لهفه اعليك بيه
رد مع اقتباس