هنا

[† ذلفاء †]

بين سحائب الهموم لابد ان يختفي قمر الأمنيات..
ولابد أيضاً ان تنجلي هذه السحب..
ليبزغ القمر ينشر بنوره أمل جديد..

[† ذلفاء †]

كلي من ياهي انة اعذرك .. وكلي شمحيلك ذنوب ..
كلي من ياملة انت .. من الشمال من الجنوب ..
انت حالة دخلت وياك بعشرتي .. وبالنتيجة اطلع رسوب ..
راح اشك ثوبي اعلة طوله .. واندعي وكت الغروب ..
الصار بية يصير بيك .. وماتنام الا بحبوب .

[† ذلفاء †]

صدك ماعندي حظ غشتني الايام
وحتى الربح لو لاكاني يخسر
زرعت دربك محنة وعاطفة وطيب
بس انت زرعت في ظهري غنجر

[† ذلفاء †]

كتبت اسمك قصيدة فوك باب البيت
وبحروف الشعر حاولت ارسمك
طاح البيت كله وطاح بابي ويا
وبقة عالي وابد ما طاح اسمك

[† ذلفاء †]

ما اجيك لا وحق كل دمعة نزلت ما اجيك
وليش اجيك ؟؟ يالبعتني والزمن غشاني بيك
وما ابيعك مو لان غالي الثمن
بس افكر من ابيعك راح اغش اليشتريك

لاتلوم الكلب من يزعل عليك
لأن روحي وروحك اشتركن سوى
ولاتظن انة انساك يا اغلى حبيب
لان صرت اتنفسك مثل الهوى


عشت سنين احبك وانت ماموجود
غفى حبك بكلبي وفاض حبك
تعال وشوف كلبي البيك مجنون
ومن كد ما احبك كمت اكرهك


دليني اعله حدك بلكت انة ارتاح
ولتخليني اتيه بحدك لوحدي
انة ادري الكلب بس من اصير وياك
ينسى جروحي كلها وينكلب ضدي

[† ذلفاء †]

يوم الاسود يوم كلبي ارتبط بيك
وساعة السوده على دربك من فتت
متت منك يلجنت ميت عليك
وشلفرق بثنينهن لاجلك متت

[† ذلفاء †]

رغم عمري الكظيته جروح بجروح
أضحك من تمر شمات بيه

صرت مثل الشمع عالكاع مطروح
وحجي الوادم شمس يطلع عليه

الجسد شيفيد لو تطلع الروح
روحي أنت ورحت من بين أديه

[† ذلفاء †]

كلبي حبك كبل لاشوفك واجيت
مو لان طبعك حلو ودمك عسل
هو هذا الحب فلا ميز خليل
انطيني عاشك من صدك دور علل
هو لو بالعقل يبحث عن دليل
يادليل اليقبل تقدس هبل

[† ذلفاء †]

حسبتك كبل ماتعرف تخون
وأحسك جزء مني وأنت آنه
أمتحنك بالوفاء وخذت صفرين
تسع مية درجتك بالخيانة

[† ذلفاء †]

بالكاروك جان وياي وهواس...
دنت روحي عليك وموتتني...
مره تحركت وردت انا امر بيك...
حست بيه امي وكمطتني