هنا

[المهاجر الزيدي]

لحب مو بس كلام وهاي هيه
الحب شي شريف وصافي النيه
الحب مو بس رسائل واخذ ارقام
الحب گول وفعل گالها الاسلام
الحب مو بس ضحك وشويه مليت
الحب ولك تضحيه يستحق لو ضحيت
الحب قصة شرف ابطالها الاحباب
وتنتهي بمشهد حلو لو تدک انت الباب

كن هنااا
مدونه جميله

[† ذلفاء †]

طبع اليودعة البيت يشمر ورا ماي
بس انه اذب الروح من يطلع اهواي


جنه ابفرد ماعون ناكل سوية
من تالي طلعت عود وصخات اديه


من عيني مدري اشطاح لادم ولاماي
ثاري سواد العين من فركت اهواي

[† ذلفاء †]

هاك اخذ نص الروح وخليلي بس نص
حتة من اغص بالزاد من يمك اتغص


ازحف وظل ماشوف بس انتة اشوفك
صرت انتة ماي العين واتريد اعوفك

[† ذلفاء †]

كالولي خلك مات حاجوني بسكوت
واسكتت خاف الروح من تسمع تموت

[† ذلفاء †]

ياوكت بس بالليل خلي عيني تنام
ومن الصبح للظيم متحزم احزام



ياوكت بس بالليل خليني ارتاح
حتى اصفن اعله الجاي وابجي على الراح




مهما تعذب الروح اصبر واحبك
وزحف زحف مصيوب وامشي اعله دربك




جرح الفراك ايهون من جرح الوداع
البيه دليل انصاب يتشطر ارباع


(الرد)


زين وتشوفه الناس دلالك ارباع
دلالي من فركاه مثل الثلج ماع




رش بالكلب تيزاب حافي اعتنيلك
جا شلي بالرجلين الماتجيلك

[† ذلفاء †]

تبجي بغزاره.. نكول هنيال العيون
وشلت دمع العين وصبحت مجنون



روحك لون تشتاك من كثر الفراك
حظن بحظن وياه وتكلي مشتاك



موحش يبعد الروح گلبي التركته
والدم صفه الونات والحسره دكته



كلبي اشتكالك ليش ترفض شكيته
متيه وشافك صاح احا لكيته


من عمت عينه الكال بفراكك ارتاح
ابجي ابسواد الليل حتى الرمش طاح

[† ذلفاء †]

ترجف عليك اعضاي كل ساعه وتلوج
ودموعي عالخدين روج بأثر روج


ريت الالم مو بيك ياريته بيه
دونك لجر الموت بثنين اديه.

شوف شكثر مكروه التجفي دنياهه
حته الصديق يكول عيب امشي وياهه.

اجمل صباح اليوم وبعمري بس هاي
شلت الغطه وفزيت لن عيني بهواي

[† ذلفاء †]

ظوجة وقهر وهموم وكملها الفراك
والكلب نص الليل لاحبابة يشتاك

اصفن واحاجي الروح وين احنه جنه
هم ترجع الايام ويلتم شملنه

صابر اظل يا ناس وبهمي اشكي
ما عندي كلام اليوم بس ادموعي تحجي

حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت

[† ذلفاء †]

بديتك علي ماهمني راحت بال
بعت الراحه لجلك وأشتريتك
حطني كبال عينك شوفني بياحال
شوف لياوضع ودتني اذيتك
أباوع للسمه وشفتك سحابة موت
ومطرت بس على الحبك منيتك

[† ذلفاء †]

ليش راجع مو خلص كلشي ونسيت
وكوه بيبان الجرح سديتهن
تريد اذكرك لو اذكرني من اجيت
والله مايسوه بعد خليتهن
جروحك البيه عفتهن من زمان
نسج خيطه العنكبوت ابيتهن
انه مااكلك نطيتك عيب اكول
عيب اكول سنين عمري انطيتهن
سنين عمري اطشرن يمك شجاك
شبيك لجل عيوني مالميتهن
حرز شايل ذكرياتك من مشيت
وعله زنودي ثنينهن شديتهن
وداعت عيونك بعد مابيه حيل
حلف جروحي العلي وصيتهن
خلافك عيوني الكمت بيهن اشوف
تغيرن مو مثل ماخليتهن
وردتك ذبلت بعد مابيهه لون
مثل العيون العلي بجيتهن