هنا

[ارجع يازمان]

صدك صارت سوالف وانتهينه!
واحنه اجروح للحب فصلينه!

اعاتب والعتاب ايطول اسنين!
واجروح الاجت كلها امندينه!

تعال وخل أذّكرك بالنياشين
واذكرك بيهن
اشكلنه وحجينه!

محسودين جنه ابدمعة العين
وما نعرف
عليمن حاسدينه!

كل احلامنا ابنص البساتين
نكعد والورد يلعب علينه

وهسه اشعارنه ابحلك الدواويين
ماتدري اشكثر وحشه وحزينه!

دمعاتي الضحكتك وين ماوين
واشكد حبتك روحي الحنينه

ومبارك قسمتك ياضوه العين
ومهنه ابعرس ضوه المدينه!
مبروك العرس ضوه المدينه
االساعدي