رايد عين تبچيني بسوالفها..
تفتح للشمس شباچ
واترك كل سراديبي
وأسافر كلمة مملوحة لشفايفها..
أنة محتاج ترجية
اصوغ عيوني من عدها..
وحدة تحبّني وتگلي
رغم بيك الأمل مگطوع
بس أحلامك شكدها!!
(وحدة تحب سواديني)
تآخذ روحي من عندي
وتضم گلبي بگلايدها..
أنة عندي وگت للموت.
بس خايف
الرايد بيها
أموتن وكت ما عدها!
تتّمشى بدرابيني
تراها سنين محد بالغلط طبها..
(وحدة تحبّني)
وبروحي الف شاعر
يغار من الترافة البيها ويسبها!!
ولو گلبي
مثل جرف النهر
مرات بس للتغّرگ يحبها..
وحدة تلفّني مثل الشال
وأتخبل
وأصيرن من حبايبها..
من هذا السواد البية تصبغ كل گصايبها..
#ادهم_عادل
رد مع اقتباس
